Nils J. Lindberg, nado en 1926 en Helsinqui, foi un industrial papeleiro e coleccionista numismático finlandés.
Traxectoria Tras concluír a súa educación secundaria en 1943, Lindberg graduouse cun mestrado en enxeñaría en 1947 na Universidade Politécnica de Helsinqui. Logo duns anos de investigación sobre a produción de papel en Finlandia, Suecia e os Estados Unidos, Lindberg ingresou en 1958 na Asociación Finlandesa da Industria Papeleira (Finnpap) como director técnico, e en 1960 promoveu a creación do Museo Finlandés do Papel.Nota biográfica no anuncio dunha das súas obras. En Nordisk Pappershistorisk Tidskrift. Nº1. 1998. Föreningen Nordiska Pappershistoriker. Páxina 19. ISSN 0348-9531 Durante tres décadas estivo vinculado profesionalmente á exportación de papel, ata que en 1988 se xubilou e comezou a dedicarse plenamente á investigación. En 1999 acadou o doutoramento en historia económica na Universidade de Jyväskylä, cunha tese titulada Paper comes to the North: sources and trade routes of paper in the Baltic Sea region 1350-1700: a study based on watermark research.Männistö, H. (2016) . Páxina 9Männistö, H. (2016) . Páxina 16.
O seu interese pola numismática comezou a principios da década de 1960, cando comezou a súa colección de moeda finlandesa. En 1965 ingresou na Asociación Numismática Finlandesa, da que foi elixido vicepresidente en 1971 e presidente entre 1975 e 1983.SNY Yhteenveto 1914-2020. Suomen Numismaattinen Yhdistys ry. 2020. Páxinas 6-7.
Entre as investigacións de Lindberg no ámbito numismático é salientable a que versa sobre as fichas comerciais de ferro da época en que Finlandia estaba baixo dominio Sueco, que deron lugar ao artigo de 2004 titulado "En kartläggning av brukspolletter i Finland" ("Rastrexo de fichas comerciais en Finlandia").Männistö, H. (2016) . Páxina 10.Lindberg, L. J. (2004). "En kartläggning av brukspolletter i Finland". En Talvio, T. Rahojen parissa: Suomen numismaattinen yhdistys 1914-2004. Suomen numismaattinen yhdistys, Helsinqui. ISBN 952-99333-0-4
A súa colección de moedas comezou a forxarse a mediados da década de 1960, fundamentalmente con moedas suecas e especificamente con táleros, o que o levou a publicar unha monografía sobre estas moedas en 1976: Riksdalrar präglade i Sverige ("Riksdaler cuñados en Suecia"). Posteriormente interesouse por tipoloxías de moedas moi diversas, entre elas as da cidade finlandesa de Turku."The Nils J. Lindberg Collection". Myntauktioner i Sverige AB. A parte máis importante da súa colección formouse entre as décadas de 1960 e de 1970.
A súa colección chegou a estar constituída por arredor de 600 pezas de gran calidade, correspondentes á numismática sueca e finlandesa. Finalmente, a súa primeira parte vendeuse en poxa pública en Estocolmo pola Asociación Numismática Finlandesa o 23 de maio de 2015, e a segunda parte o 21 de maio do ano seguinte."Kända samlingar – Lindberg, Nils J. (1926-)". Falcoin.seMännistö, H. (2016) . Páxina 17.
Recoñecementos En 1986, a Asociación Numismática Finlandesa emitiu unha medalla para conmemorar o 60 aniversario de Lindberg, deseñada polo medallista Kauko Räsänen (1926-2015).
(1984): Medalla ao Mérito Pro Numismatica, da Asociación Numismática Finlandesa.SNY Yhteenveto 1914-2020. Suomen Numismaattinen Yhdistys ry. 2020. Páxina 15. (2000): Medalla Örnhjelm, da Asociación Numismática Finlandesa.SNY Yhteenveto 1914-2020. Suomen Numismaattinen Yhdistys ry. 2020. Páxina 16. (2004): Insignia de ouro da Asociación Numismática Finlandesa. (2012): Medalla Elias Brenner, da Sociedade Numismática Sueca."SNF:s Elias Brenner-medalj för förtjänsterinom numismatiken". Svenska Numismatiska Föreningen.
Publicacións Esta é unha escolma das monografías máis representativas de Nils J. Lindberg:"Lindberg, Nils J. 1926-". WorldCat Identities.
(1949). Om användningen av organiska kvicksilverföreningar för bekämpande av mikroorganismer i träsliperier och pappersbruk ["Sobre o uso de compostos orgánicos de mercurio para o control de microorganismos na trituración de madeira e a fabricación de papel"]. Trämasseindustriens centrallab, Estocolmo. (1976). Riksdalrar präglade i Sverige ["Riksdaler cuñados en Suecia"]. Frenckell, Helsinqui. (1998). Paper comes to the North. Sources and trade routes of paper in the Baltic Sea Region 1350-1700. A study based on watermark research. International Association of papers historians, Marburg. ISBN 9789529097944
Notas
Véxase tamén
Bibliografía Männistö, H. (2016). "Nils J. Lindbergin Suomen metallirahakokoelma" e "Nils J. Lindberg och hans finska myntsamling / The Nils J. Lindberg Collection of Finnish Coins". En The Finnish Numismatic Society Auction 398. Coins and medals of Finland from the Nils J. Lindberg collection. Suomen Numismaattinen Yhdistys ry. Páxinas 9-18. ISBN 978-952-99333-6-5
Categoría:Nados en 1926 Categoría:Nados en Helsinqui Categoría:Numismáticos de Finlandia Categoría:Coleccionistas Categoría:Alumnos da Universidade Politécnica de Helsinqui Categoría:Personalidades sen imaxes