A guerra de Alxeria, tamén coñecida como Revolución de Alxeria ou Guerra de Independencia de Alxeria,En ; en ; en ou ) e ás veces en Alxeria como Guerra do 1 de novembro, librouse entre Francia e a Fronte de Liberación Nacional de Alxeria (en francés: Front de Libération Nationale, FLN) de 1954 a 1962, o que levou a Alxeria a gañar a súa independencia de Francia. Foi unha importante guerra de descolonización e supuxo un complexo conflito caracterizado pola guerra de guerrillas e o uso da tortura. O conflito tamén se converteu nunha guerra civil entre as distintas comunidades e dentro das comunidades.Pervillé (2002), páx. 132-139 (capítulo "Une double guerre civile"). A guerra tivo lugar principalmente no territorio de Alxeria, con repercusións na Francia metropolitana.
O conflito, comezado por membros da Fronte de Liberación Nacional (FLN) o 1 de novembro de 1954, durante o Toussaint Rouge ("Día Vermello de Todos os Santos"), provocou serias crises políticas en Francia, levando á caída da Cuarta República (1946–58), que foi substituída pola Quinta República cunha presidencia reforzada. A brutalidade dos métodos empregados polas forzas francesas non logrou gañar corazóns e mentes en Alxeria, alienou o apoio na Francia metropolitana e desacreditou o prestixio francés no exterior. Mentres se prolongaba a guerra, o pobo francés volveuse lentamente contra ela e moitos dos principais aliados de Francia, incluídos os Estados Unidos, pasaron de apoiar a Francia a absterse no debate da ONU sobre Alxeria. Despois de importantes manifestacións en Alxer e outras cidades a favor da independencia (1960) e unha resolución das Nacións Unidas que recoñecía o dereito á independencia, Charles de Gaulle, primeiro presidente da Quinta República, decidiu abrir unha serie de negociacións coa FLN. Estas concluíron coa sinatura dos acordos de Évian en marzo de 1962. O 8 de abril de 1962 tivo lugar un referendo e o electorado francés aprobou os acordos. O resultado final foi do 91% a favor da ratificación e o 1 de xullo os acordos foron obxecto dun segundo referendo en Alxeria, onde o 99,72% votou a favor da independencia e só o 0,28% en contra.
A retirada francesa provocou unha crise estatal. Isto incluíu varios intentos de asasinato contra de Gaulle, así como algúns intentos de golpes militares. A maioría dos primeiros levounos a cabo a Organisation armée secrète (OAS), unha organización subterránea formada principalmente por persoal militar francés que apoiaba a Alxeria francesa, que cometeu un gran número de atentados e asasinatos tanto en Alxeria como en Francia para deter a planeada independencia.
Trala independencia en 1962, 900 000 europeos-alxerianos (Pieds-noirs) fuxiron a Francia aos poucos meses por temor á vinganza da FLN. O goberno francés non estaba preparado para recibir un número tan grande de refuxiados, o que causou turbulencias en Francia. A maioría dos musulmáns alxerianos que traballaran para os franceses quedaron desarmados e deixáronse atrás, xa que o acordo entre as autoridades francesas e alxerianas declaraban que non se podían tomar medidas contra eles.Évian accords, Chapitre II, partie A, article 2 Non obstante, os Harkis en particular, que serviran como auxiliares do exército francés, consideráronse traidores e moitos foron asasinados pola FLN ou por linchamentos, a miúdo despois de seren secuestrados e torturados.Váxase Al-Jazeera e Pierre Daum's "The Last Taboo: Harkis Who Stayed in Algeria After 1962". Novembro de 2017 Uns 90 000 conseguiron fuxir a Francia, algúns coa axuda de oficiais franceses que actuaron en contra das ordes, e eles e os seus descendentes forman unha parte significativa da poboación alxeriano-francesa.
Notas
Véxase tamén
Bibliografía Bradby, David. "Images of the Algerian war on the French stage 1988-1992." French Cultural Studies 5.14 (1994): 179-189. Clayton, Anthony. The wars of French decolonization (1994). Dine, Philip. Images of the Algerian War: French fiction and film, 1954-1992 (Oxford UP, 1994). Primary source Horne, Alistair. A Savage War of Peace: Algeria 1954–1962 (1978) In-depth narrative. LeJeune, John. "Revolutionary Terror and Nation-Building: Frantz Fanon and the Algerian Revolution." Journal for the Study of Radicalism 13.2 (2019): 1-44. online
Ligazóns externas Algerian War Reading Algerian Independence Archive at marxists.org Algeria celebrates 50 years of independence – France keeps mum RFI English
Categoría:Guerras nas que participou Francia Categoría:Guerras do século XX Categoría:Historia de Alxeria Categoría:Independentismo en Francia Categoría:Guerras de independencia