Clara Marisa Mayer, nada no 2001, é unha activista contra o cambio climático alemá. É a portavoz de prensa do movemento internacional Mocidade polo clima en Berlín e obtivo amplo recoñecemento tralo seu discurso na reunión de accionistas de Volkswagen de 2019.
Traxectoria Mayer obtivo recoñecemento despois do seu discurso na xunta de accionistas da marca Volkswagen en maio de 2019, no que afirmou que "o que se está facendo polo medio ambiente non é suficiente", acusando ademais á xeración dos seus pais e os seus avós por non preocuparse o suficiente polo mundo que herdaron aos mozos. miniatura|Mayer (esquerda) nunha manifestación da organización Mocidade polo clima en Berlín. Como portavoz do movemento Mocidade polo clima en Berlín, foi convidada ó programa de variedades de Markus Lanz en agosto e a Auf dean Punkt, da cadea Deutsche Welle, en decembro de 2019, ademais de aparecer en varios medios impresos e virtuais. Mayer foi unha das organizadoras da folga climática do 20 de setembro de 2019, na que máis de 100 mil persoas saíron ás rúas de Berlín nunha protesta pacífica. No marco desta actividade, Mayer manifestou: "Sorpréndenos que os políticos nos ignorasen e que aínda o sigan facendo, a pesar de reunir a tantos manifestantes este ano". O 3 de outubro participou nunha manifestación antifascista contra a despregadura de extremistas de dereita en Berlín, sendo atacada por grupos e persoas que pertencen a esta corrente política.
O portal de noticias alemán Spiegel Online mencionou a Mayer na súa lista de "mozas e fortes mulleres enfrontadas ás vellas forzas", na que tamén aparecen as activistas climáticas Luisa Neubauer e Greta Thunberg, a capitá de barco Carola Rackete e a futbolista profesional e crítica da xestión do presidente Donald Trump, Megan Rapinoe.
Vida persoal Mayer graduouse da Schiller-Gymnasium de Berlín en 2019. Logo realizou voluntariado nunha unidade de coidados intensivos. Na actualidade reside en Berlín.
Notas
Categoría:Activistas de Alemaña Categoría:Ecoloxistas de Alemaña Categoría:Nados en 2001 Categoría:Nados en Alemaña