Tamara Natanovna Press (en , en , Tamara Natanivna Press), nada en Khárkiv o 10 de maio de 1937 e finada en Moscova o 26 de abril de 2021,Tamara Press Dead foi unha atleta soviética que dominou o lanzamento de peso e o lanzamento de disco a principios da década de 1960. Gañou tres medallas de ouro e unha de prata nos Xogos Olímpicos de 1960 e 1964 e tres títulos europeos en 1958–1962. Entre 1959 e 1965, estableceu once récords mundiais: cinco no lanzamento do peso e seis no disco. A nivel nacional, logrou 16 títulos nacionais, nove no lanzamento de peso (1958-66) e sete no disco (1960-66).
Traxectoria miniatura|left|Tamara (esquerda) e Irina Press Tamara Press naceu en Khárkiv, Ucraína, no seo dunha familia xudía. O seu pai morreu loitando na segunda guerra mundial en 1942, mentres a súa nai levou as fillas a Samarcanda, onde comezaron a adestrarse no atletismo.Irina Press. Telegraph.co.uk. 31 de maio de 2004 A súa irmá máis nova, Irina Press (1939–2004) tamén foi unha destacada atleta, sobre todo en péntatlon e sprint.Tamara Press. sports-reference.com
En 1955, Press mudouse a Leningrado para adestrar co renombrado adestrador Viktor Alekseyev e estudar na universidade, onde completou estudos de enxeñaría civil. O ano seguinte, foi seleccionada para o equipo olímpico, pero foi eliminada debido a unha forte competición nacional nos eventos de lanzamento.Пресс Тамара Натановна. excelion.ru
Aínda que comezou nas probas de pista, especializouse en lanzamento de peso e disco. Aos 23 anos participou nos Xogos Olímpicos de Roma, onde gañou a medalla de ouro en peso establecendo un novo récord olímpico (17,32 metros), e a medalla de prata en lanzamento de disco. Nos Xogos Olímpicos de Toquio conseguiu a medalla de ouro en ambas as disciplinas con senllos récords olímpicos (18,14 m en peso e 57,27 m en disco).
As dúas irmás foron acusadas de seren varóns ou intersexuais."Switch hitter: If a man has a sex change can he compete in the Olympics as a woman?" thestraightdope.com. 22 de agosto de 2008Olympic Gender Drama-The Press Sisters. TransGriot. 9 de novembro de 2011 Retiráronse en 1966, antes de que a verificación do sexo fose obrigatoria.
Tras retirarse, Press traballou como adestradora e directiva de atletismo en Moscova. Escribiu varios libros sobre temas deportivos, sociais e económicos e en 1974 defendeu o seu doutoramento en pedagoxía.Пресс Тамара Натановна. Olympic Encyclopedia (2006) Foi galardoada coa Orde de Lenin (1960), coa Orde da Insignia de Honra (1964) e coa Orde da Amizade (1997).Пресс Тамара Натановна. Great Soviet Encyclopedia.
Notas
Véxase tamén
Bibliografía
Ligazóns externas Tamara Press bate su propio récord mundial de lanzamiento de peso en 1964 Galería de fotos de Tamara Press
Imaxe
Categoría:Nados na rexión de Kharkiv Categoría:Nados en 1937 Categoría:Finados en 2021 Categoría:Atletas olímpicos da Unión Soviética Categoría:Medallistas olímpicos de ouro pola Unión Soviética Categoría:Medallistas olímpicos de prata pola Unión Soviética Categoría:Medallistas nos Xogos Olímpicos de 1960 Categoría:Medallistas nos Xogos Olímpicos de 1964 Categoría:Medallistas olímpicos en atletismo Categoría:Orde de Lenin Categoría:Descendentes de xudeus Categoría:Alumnos da Universidade Estatal de San Petersburgo Categoría:Atletas nos Xogos Olímpicos de 1960 Categoría:Atletas nos Xogos Olímpicos de 1964 Categoría:Lanzadores de peso