A Fundación Wenceslao Fernández Flórez é unha institución de interese público e sen ánimo de lucro, cuxo principal obxectivo fundacional é constituírse en centro de estudo e investigación en torno ao quefacer literario, xornalístico e cinematográfico do coruñés Wenceslao Fernández Flórez. Ten a súa sede na Villa Florentina, a casa museo de Wenceslao Fernández Flórez, sita no lugar de Apeadeiro nº 14, Cecebre (Cambre).
Características
Ten como fin preservar o patrimonio inmobiliario, textual e bibliográfico, promover o estudo da súa obra e divulgar a pertinente reflexión crítica sobre a súa relevancia e transcendencia histórica. O ámbito territorial da Fundación é, en primeira instancia, Galicia, aínda que o seu quefacer científico-cultural poderá desenvolverse en calquera outra parte de España ou en calquera país estranxeiro que o Padroado considere convenientes para cumprir coa súa misión fundacional, segundo establecen os seus Estatutos. A este respecto, a Fundación estará en permanente contacto e relación coa comunidade universitaria e con outras fundacións ou centros de investigación, públicos ou privados, nacionais ou internacionais, cuxos intereses coincidan cos da Fundación.Fundación Wenceslao Fernández Flórez. Inicio. Co fin de dinamizar a súa actividade cultural e investigadora, a Fundación encomenda o goberno, representación e administración da mesma ao seu Padroado, do que forman parte os seguintes estudosos e investigadores:Fundación Wenceslao Fernández Flórez. Padroado. Presidente, José Luis Castro de Paz Secretario Tesoureiro, Héctor Paz Otero Presidentes de Honor Wenceslao Fernández Flórez ✝ Antonio Luis Fernández Flórez ✝ Ruth Fernández-Flórez Alejandro Fernández-Flórez
Notas
Categoría:Fundacións de Galicia Categoría:Cambre