Arcadio Ríos Rodríguez, nado en Hevia (Siero) en 1911 e finado en Casaio o 27 de xullo de 1946, foi un mineiro e guerrilleiro antifranquista.
Traxectoria Traballou como mineiro no pozo de Pumarabule e foi membro do Sindicato de Obreros Mineros de Asturias (SOMA-UGT). Militante do PCE. Ao caer Asturias en outubro de 1937 fuxiu ao monte co seu irmán César. O seu pai estivo preso e ao ser posto en liberdade marchou a Francia, foi detido e internado nun campo de concentración alemán, onde faleceu; os seus irmáns Manuel e Silvino foron fusilados en Asturias. En abril de 1942 participou no congreso de Ferradillo que deu lugar á constitución da Federación de Guerrillas de León-Galicia. Partidario da unidade, foi nomeado xefe de guerrilla na II Agrupación da Federación de Guerrillas de León-Galicia. Morreu a mans da Garda Civil o 26 de xullo de 1946 durante a celebración do Congreso de Reunificación de Casaio con Francisco Elvira Cuadrado, diante da súa compañeira Consuelo Rodríguez López.
Véxase tamén Bibliografía
Categoría:Sindicalistas da UGT Categoría:Guerrilleiros antifranquistas Categoría:Nados en Siero Categoría:Nados en 1911 Categoría:Finados en 1946