María Beatriz Corredor Sierra, nada en Madrid o 1 de xullo de 1968, é unha xurista e política española, que ocupou o Ministerio de Vivenda e desde febreiro de 2020 é a presidenta de Red Eléctrica de España.
Traxectoria Estudou dereito na Universidade Autónoma de Madrid, na que se licenciou en 1991. En 1993 converteuse en rexistradora da propiedade e foi directora do Servizo de Estudos Rexistrais de Castela-A Mancha entre 2002 e 2007. Así mesmo foi vogal-rexistradora do tribunal de oposicións ao corpo de Rexistros da Propiedade e Merantís de España, primeira muller que ocupou ese cargo.
Actividade política Afiliada ao Partido Socialista Obreiro Español (PSOE) desde o ano 2003, foi secretaria de muller e igualdade na agrupación local de San Blas-Canillejas, na cidade de Madrid. Nas eleccións municipais de 2007 ocupou o posto número 20 na lista do PSOE para Madrid encabezada por Miguel Sebastián.Juntas Electorales de Zona: Foi concelleira entre setembro de 2007 e abril de 2008.
O 14 de abril de 2008 tomou posesión do Ministerio de Vivenda na constitución do goberno presidido por José Luis Rodríguez Zapatero. Abandonou o goberno coa desaparición do ministerio o 20 de outubro de 2010 nunha ampla remodelación do Consello de Ministros. Entón foi nomeada Secretaria de Estado de Vivenda e Actuacións Urbanas para o Ministerio de Fomento. Abandonou o cargo en decembro de 2011, tras concluír o mandato socialista.
Actividade profesional Desde o 25 de febreiro de 2020 ocupa o cargo de presidenta da empresa Red Eléctrica de España (Grupo Red Eléctrica y del Consejo de Administración de Red Eléctrica Corporación, S.A.) que desenvolve a explotación unificada do transporte de electricidade a toda España. Ademais de rexistradora da propiedade en excedencia, foi profesora de dereito civil, profesora asociada da ETSAM, vicepresidenta do Real Padroado do Museo Raíña Sofía, mentora da Fundación Endeavor España e membro do consello asesor de AlumniUAM.
Notas
Véxase tamén
Ligazóns externas Una registradora de la propiedad experta en vivienda Carme Chacón será ministra de Defensa y Cristina Garmendia, de Innovación
Categoría:Nados en Madrid Categoría:Nados en 1968 Categoría:Ministros do Goberno de España da IX Lexislatura Categoría:Deputados no Congreso dos Deputados (XIII Lexislatura) Categoría:Deputados no Congreso dos Deputados (XIV Lexislatura) Categoría:Deputados do Congreso dos Deputados polo PSOE Categoría:Alumnos da Universidade Autónoma de Madrid