Luis Sánchez Cantón, nado en Pontevedra e finado nos anos setenta, foi un militar galego.
Traxectoria Fillo de Javier Sánchez Cervela. Ingresou na Academia de Artillaría de Segovia onde se graduou como alférez en 1919.El Diario de Pontevedra, 15-7-1919, p. 2. Foi destinado como tenente a Ferrol en 1921.El Diario de Pontevedra, 30-7-1921, p. 3. Participou na guerra do Rif. Destinado en Pontevedra, ascendeu a capitán en 1926.El Progreso, 30-7-1926, p. 3. Cando se produciu o golpe de Estado do 18 de xullo de 1936 foi un dos militares sublevados, detivo no goberno civil de Pontevedra ao gobernador Gonzalo Acosta Pan e a Alexandre Bóveda. Foi un dos militares que xulgaron a Alexandre Bóveda.Pontevedra, catro días de xullo por Xosé Álvarez Castro Na guerra foi ascendido a comandante. Ascendeu a tenente coronel en 1943,El Pueblo Gallego, 21-2-1943, p. 6. e foi destinado ao Rexemento de Artillaría número 28 de Santiago de Compostela. Ascendeu a coronel en 1953,La Noche, 25-11-1953, p. 2. e foi comandante militar de Santiago de Compostela. Herdou do seu pai o pazo de Marza en Oleiros.
Recoñecementos Cruz de San Hermenegildo en 1942.El Pueblo Gallego, 14-1-1942, p. 3.
Vida persoal Casou en Poio con María del Pilar Lenard Quintana, filla de Jesús Lenard Larrea, en outubro de 1926,El Progreso, 31-10-1926, p. 2. e foi pai de María del Pilar e Luis Sánchez-Cantón Lenard. Pilar Lenard finou en Oleiros en setembro de 1965.El Pueblo Gallego, 2-9-1965, p. 2.
Notas
Categoría:Militares de Galicia Categoría:Nados en Pontevedra