Samuel Moore, nado en Deerfield, Nova Jersey, o 8 de febreiro de 1774 e finado en Filadelfia o 18 de febreiro de 1861, foi un político estadounidense membro da Cámara de Representantes por Pensilvania (1818-1822) e director da Casa da Moeda dos Estados Unidos (1824-1835).
Traxectoria Samuel Moore naceu o 8 de febreiro de 1774 en Deerfield, no actual condado de Cumberland, Nova Jersey,United States Congress (1961). Páxina 1.352.Smith, P. (2012). fillo dun distinguido oficial revolucionario.Evans, G. G. (1893).
En 1791 graduouse en Medicina na Universidade de Pensilvania en Filadelfia,"Penn in the 18th Century: College Students. Classes of 1790-1799". University of Pennsylvania. na que exerceu como instrutor entre 1792 e 1794. Posteriormente exerceu a medicina en diferentes lugares dos estados de Pensilvania e Nova Jersey.
Logo de diferentes viaxes de carácter comercial polas Indias Orientais retornou a Filadelfia e adquiriu varios muíños e dedicouse á produción de fariñas e de aceite, e posteriormente ergueu un serradoiro e dedicouse ao comercio da la.
Como membro do Partido Demócrata dos Estados Unidos foi elixido membro da Cámara de Representantes, e ocupou este posto entre o 13 de outubro de 1818 ata o 20 de maio de 1822, cando se retirou da política activa.
O día 15 de xullo de 1924, o presidente James Monroe nomeouno director da Casa da Moeda dos Estados Unidos, onde permaneceu ata o 1 de xullo de 1835. Durante o seu mandato, foi o responsable da cuñaxe do "dólar de 1804", cuñado realmente en 1834.
Moore foi membro da Comisión de Ensaios dos Estados Unidos reunida en 1851.
A partir da súa marcha da Casa da Moeda, recuperou a súa actividade privada e dedicouse á comercialización do carbón —foi presidente da compañía Hazleton Coal Co.—, durante o resto da súa vida.
Vida persoal Samuel Moore estivo casado con Mary Padgett Patterson, filla do seu antecesor como director da Casa da Moeda, Robert Patterson. Pola súa vez, o seu cuñado Robert Maskell Patterson foi quen o sucedeu a el no seu posto.
Samuel Moore faleceu en Filadelfia o 18 de febreiro de 1861, aos 87 anos, e foi soterrado no cemiterio de Woodland."Samuel Moore". Fid a Grave.
Notas
Véxase tamén
Bibliografía
Evans, G. G. (1893). "Samuel Moore, M.D.". En Illustrated history of the United States mint... G. G. Evans, Filadelfia. Páxina 102. Smith, P. (2012). "Moore, Samuel". En American Numismatic Biographies. Páxina 259. United States Congress (1961). Biographical Directory of the American Congress, 1774-1961. U.S. Government Printing Office.
Outros artigos
Director da Casa da Moeda dos Estados Unidos
Categoría:Nados en 1774 Categoría:Finados en 1861 Categoría:Nados en Nova Jersey Categoría:Directores da Casa da Moeda dos Estados Unidos Categoría:Membros da Comisión de Ensaios dos Estados Unidos Categoría:Políticos do Partido Demócrata dos Estados Unidos de América Categoría:Membros da Cámara de Representantes dos Estados Unidos de América Categoría:Alumnos da Universidade de Pensilvania