John Croker, nado en Dresden, Saxonia, o 21 de outubro de 1670 e finado en Londres o 21 de marzo de 1741, foi un xoieiro e gravador alemán emigrado a Inglaterra que chegou a ocupar o posto de gravador xefe da Casa da Moeda de Londres, baixo os reinados da raíña Ana, de Xurxo I e de Xurxo II, cando a ceca londiniense estaba dirixida por Isaac Newton.

Croker foi o gravador da medalla de 1702 conmemorativa da Batalla de Rande, na Ría de Vigo,"Medal. Museum number: M.8001". The British Museum."Medal commemorating the Expedition to Vigo Bay 1702". Royal Collection Trust. así como da serie de moedas a nome da raíña Ana cuñadas coa prata e o ouro capturados nesa batalla, que locen a palabra VIGO baixo o busto da raíña."Emisións da Raíña Ana de Inglaterra". En Pita Fernández, Ricardo Luís (1999). Numismática galega. A moeda en Galicia e Galicia na moeda. Santiago de Compostela. ISBN 84-605-9958-2. Páxinas 173-176."Queen Anne's Vigo Coins: Spanish Treasure and Stuart Propaganda". The Britannia Coin Company (Britanniacoincompany.com).Moedas coa inscrición VIGO. Numista.com

Traxectoria

Primeiros anos en Alemaña Crocker naceu en Dresden o 21 de outubro de 1670, fillo de Rosina Frauenlaub e dun escultor en madeira e ebanista de Xoán Xurxo II, elector de Saxonia. O seu pai faleceu sendo el un neno e Croker foi posto como aprendiz do seu padriño, un ourive e xoieiro da mesma cidade, con quen xa se iniciou na arte do gravado de medallas.Pfister, J. G. (1852).Forrer, L. (1904). Páxina 472.Wroth, W. W. "Croker, John". En Stephen, L.; Lee S. (1917). Páxinas 121-123

Logo dun período de aprendizaxe, comezou a exercer a súa profesión primeiro por diferentes cidades de Alemaña, e logo emigrou primeiro aos Países Baixos e despois, en 1691, a Inglaterra, onde cambiou o seu nome orixinal, Johann Crocker, por John Croker.Forrer, L. (1904). Páxina 473.

Medallista e gravador de moeda en Inglaterra miniatura|300x300px|Medalla de prata conmemorativa da Batalla de Rande, na Ría de Vigo (1702), gravada por John Croker. En Inglaterra comezou a traballar como xoieiro e medallista, labor polo que empezou a ser moi recoñecido en Londres por parte de persoas influentes, o que o levou a ingresar na Casa da Moeda de Londres (Royal Mint) en 1697 como gravador auxiliar, colaborando con Henry Harris, nunha época en que a ceca estaba a producir un gran número de novos modelos de moedas de prata, de moitas das cales se ocupo persoalmente. Logo do falecemento de Harris en 1704, Croker, foi nomeado como o seu sucesor no posto de gravador xefe da Casa da Moeda de Londres, o 17 de abril de 1705.

Ao pouco da súa vinculación coa Casa da Moeda, Croker recibiu a confirmación do seu dereito a emitir moedas pola súa conta e de feito foi creador dun bo número delas; unha das máis salientables desta época foi a da coroación da raíña Ana en 1702. Como gravador xeral de moeda encargouse dos cuños para a maior parte das moedas a nome da raíña Ana e de Xurxo I, e tamén das de Xurxo II ata 1740. A partir de 1729 contou para o seu labor coa colaboración dun gravador auxiliar, que o sucedería á súa morte: John Sigismund Tanner.Forrer, L. (1916). "Tanner, John Sigismund". En Biographical Dictionary of Medallists. Vol VI. Spink & Son, Londres. Páxinas 14-15.

Vida persoal John Croker casou en 1705 cunha muller da que se coñece que se apelidaba Franklin, con quen tivo unha única filla, que morreu na infancia.Forrer, L. (1904). Páxina 474. A súa esposa finou en 1735, mais Croker gozou de boa saúde e seguiu facendo traballos de gravado ata os seus dous últimos anos. Faleceu aos 70 anos o 21 de marzo de 1741.Forrer, L. (1904). Páxina 475.

Escolma de obras

Moedas

Medallas

Notas

Véxase tamén

Outros artigos

Royal Mint

Bibliografía

Forrer, L. (1904). "Croker, John". En Biographical Dictionary of Medallists. Vol I. Spink & Son, Londres. Páxinas 472-479. Pfister, J. G. (1852). "Memoir of Johann Croker". En Numismatic Chronicle. Royal Numismatic Society. Vol. 15. Páxinas 67-73. Stephen, L.; Lee S. (1917). Dictionary of National Biography. Vol. V. Oxford University Press.

Ligazóns externas

Medallas de John Croker (Museos Nacionais de Escocia)

Categoría:Nados en 1670 Categoría:Finados en 1741 Categoría:Nados en Dresde Categoría:Deseñadores de moeda do Reino Unido Categoría:Personalidades do gravado Categoría:Artistas de Alemaña Categoría:Artistas do Reino Unido Categoría:Británicos de ascendencia alemá