Tinker Tailor Soldier Spy é un filme de 2011 dirixido por Tomas Alfredson. O guión foi escrito por Bridget O'Connor e Peter Straughan, e baséase na novela homónima de 1974 escrita por John le Carré. Está protagonizado por Gary Oldman como George Smiley, con Colin Firth, Tom Hardy, John Hurt, Toby Jones, Mark Strong, Benedict Cumberbatch, Ciarán Hinds, David Dencik e Kathy Burke como parte do elenco. A acción está ambientada en Londres a comezos da década de 1970 e conta a historia da caza dun axente dobre soviético infiltrado na cúpula do servizo secreto británico.

Sinopse Situada na década de 1970, no contexto da guerra fría, o fracaso dunha misión especial en Hungría provoca unha remuda na cúpula dos servizos secretos británicos. Un dos defenestrados é o axente George Smiley (Oldman). Porén, cando xa se afixera á idea de se retirar, encárganlle unha misión especial. Sospéitase que hai un «axente encuberto» na cúpula do servizo e só alguén externo pode descubrir quen é. Coa axuda doutro axente desafiuzado e outro en actividade, Smiley irá recollendo información e encaixando as pezas para tentar descubrir o traidor.

Personaxes

Gary Oldman como George Smiley ("Beggarman") Colin Firth como Bill Haydon ("Tailor") Tom Hardy como Ricki Tarr Mark Strong como Jim Prideaux Ciarán Hinds como Roy Bland ("Soldier") Benedict Cumberbatch como Peter Guillam David Dencik como Toby Esterhase ("Poorman") Stephen Graham como Jerry Westerby Simon McBurney como Oliver Lacon Toby Jones como Percy Alleline ("Tinker") John Hurt como Control Kathy Burke como Connie Sachs Roger Lloyd-Pack como Mendel Svetlana Khodchenkova como Irina Konstantin Khabensky como Polyakov Michael Sarne como Karla John le Carré como convidado na festa de Nadal Katrina Vasilieva como Ann Smiley

Notas

Categoría:Filmes de 2011 Categoría:Filmes en lingua inglesa Categoría:Filmes do Reino Unido Categoría:Filmes de Francia Categoría:Filmes de Alemaña Categoría:Filmes dirixidos por Tomas Alfredson Categoría:Filmes producidos por Tim Bevan Categoría:Filmes producidos por Eric Fellner Categoría:Filmes de Working Title Films Categoría:Filmes de StudioCanal Categoría:Filmes rodados en Turquía Categoría:Filmes rodados en Londres Categoría:Filmes rodados en Budapest Categoría:Filmes ambientados en Budapest Categoría:Filmes ambientados en Istanbul Categoría:Filmes ambientados en París Categoría:Filmes ambientados en Londres Categoría:Filmes ambientados en 1974 Categoría:Filmes ambientados en 1973