Anastasios Douvikas (en grego: Αναστάσιος "Τάσος" Δουβίκας), nado en Atenas o 2 de agosto de 1999, coñecido como Tasos Douvikas, é un futbolista grego que xoga na demarcación de dianteiro para o Celta de Vigo da Primeira División de España.
Traxectoria Asteras Trípoli Douvikas fixo o seu debut profesional o 19 de agosto de 2017, nunha derrota en casa por 1-2 perante o PAS Giannina, onde entrou como suplente. O 26 de outubro marcou o seu primeiro gol profesional, na vitoria por 2-1 sobre o PAE Chania na Copa de Grecia 2017-18. O 26 de novembro marcou na vitoria por 2-0 en casa sobre o Levadiakos, contribuíndo á terceira vitoria consecutiva do equipo. O 2 de decembro marcou nunha cómoda vitoria en casa por 4-0 sobre o AO Platanias.
O 18 de decembro marcou na vitoria a domicilio por 0-4 sobre o Apollon Paralimniou FC.
Volos FC No verán de 2020, Tasos Douvikas fichou por Volos FC como axente libre. Na tempada 2020-21 dos 26 xogos da tempada regular, xogou en todos. De feito, é o único futbolista da Superliga que saíu titular en todos os partidos. Co equipo de Volos marcou 10 goles e deu 3 asistencias, ademais xogou 4 partidos máis nos playoffs e anotando outro gol, esta vez contra o equipo de Larissa. Na copa tamén marcou 3 goles en 4 aparicións contra OFI Creta e AEK para os oitavos de final e cuartos de final respectivamente.
O 28 de agosto de 2023, tras ser a tempada anterior o máximo goleador da Eredivisie co F. C. Utrecht, foi traspasado ao Celta.
Selección grega Tras xogar coa selección de fútbol sub-19 de Grecia e a sub-21, finalmente fixo o seu debut coa selección de fútbol de Grecia o 28 de marzo de 2021 nun encontro amigable contra Honduras, partido que finalizou cun resultado de 2-1 a favor do combinado grego tras un dobrete de Vangelis Pavlidis para Grecia, e de Diego Rodríguez para Honduras.
Clubs ClubPaísAnoPartidosGolesAsteras Tripolis F. C.2017-2020524Volos F. C.2020-213414F. C. Utrecht2021-20237732R. C. Celta de Vigo2023-165
Notas
Véxase tamén Outros artigos Celta de Vigo
Categoría:Nados en 1999 Categoría:Futbolistas de Grecia Categoría:Dianteiros de fútbol Categoría:Xogadores do Celta de Vigo Categoría:Nados en Atenas Categoría:Xogadores do Asteras Tripolis FC Categoría:Xogadores do Volos FC Categoría:Xogadores do FC Utrecht Categoría:Xogadores da selección de fútbol de Grecia