Desígnase Universidade de Coímbra: Alta e Sofía ao conxunto histórico-cultural clasificado como Patrimonio da Humanidade da UNESCO en 2013, que alberga 4 parroquias no Centro Histórico de Coímbra (São Bartolomeu, Sé Nova, Sé Velha e Santa Cruz) situadas na cidade de Coímbra, en Portugal. A Universidade de Coímbra é unha das universidades máis antigas aínda en funcionamento do mundo e a máis antiga de Portugal e dos países e rexións lusófonas.
A Universidade de Coímbra fundouse a finais do século XIII no outeiro que domina a vila (Alta). En 1537 trasladouse ao Palacio Real de Alcáçova e posteriormente desenvolveu unha serie de colexios. Serviu de modelo para as universidades do mundo da lusofonía. A cidade de Coímbra está fortemente entrelazada coa universidade. Algúns dos edificios clave inclúen a catedral vella do século XII, a Biblioteca Joanina barroca, a Capela de San Miguel e os colexios ao longo da rúa Sofía da cidade. En 2019 produciuse unha pequena modificación dos límites do lugar.
Notas
Categoría:Patrimonio da Humanidade en Portugal Categoría:Universidade de Coímbra