A cidade vella de Talín (en ) é a parte máis antiga de Talín, en Estonia. A cidade vella de Talín conseguiu preservar por completo a súa estrutura de orixe medieval e hanseática. A cidade vella representa un plano da cidade do século XIII excepcionalmente intacto. Desde 1997, a zona está rexistrada na Lista do Patrimonio da Humanidade da UNESCO. A cidade vella está delimitada polas murallas de Talín. A súa superficie é de 113 ha.
Historia miniatura|esquerda|A rúa Harju tralos bombardeos de Talín durante a segunda guerra mundial. As orixes de Talín están documentadas no século XIII, coa construción dun castelo polos cabaleiros da Orde Teutónica. A cidade experimentou un importante desenvolvemento como centro neurálxico da Liga Hanseática. Esta prosperidade maniféstase na suntuosidade dos edificios públicos, en particular das construcións eclesiásticas, e na notable conservación da arquitectura doméstica das residencias dos comerciantes. Estas estruturas sobreviviron excepcionalmente ben ao longo dos séculos, a pesar dos efectos destrutivos dos incendios e dos conflitos bélicos.
A maioría dos edificios e estruturas da cidade vella foron construídos entre os séculos XIII e XVI.
Durante a segunda guerra mundial, mentres o exército alemán ocupaba Estonia entre 1941 e 1944, a cidade vella de Talín sufriu varios bombardeos aéreos da forza aérea soviética. Durante o bombardeo soviético máis destrutivo do 9 ao 10 de marzo de 1944, máis de mil bombas incendiarias foron lanzadas sobre Talín, causando incendios xeneralizados, destruíndo preto do 10% dos edificios da cidade vella, matando a centos e deixando sen fogar a máis de 20.000 persoas.
Notas
Véxase tamén
Outros artigos Talín Catedral de Talín Casa Stenbock Museo Marítimo de Estonia
Categoría:Talín Categoría:Distritos históricos Categoría:Patrimonio da Humanidade en Estonia