Old é un filme estadounidense de 2021 escrito, dirixido e producido por M. Night Shyamalan. Baséase na novela gráfica francesa Château de sable de Pierre Oscar Lévy e Frederik Peeters. Está protagonizado por Gael García Bernal, Vicky Krieps, Rufus Sewell, Alex Wolff, Thomasin McKenzie, Abbey Lee, Nikki Amuka-Bird, Ken Leung, Eliza Scanlen, Aaron Pierre, Embeth Davidtz e Emun Elliott. A trama segue a un grupo de persoas que envellecen rapidamente nunha illada praia.
Shyamalan decidiu adaptar Château de sable logo de recibir a novela como agasallo polo Día do Pai en 2017. O proxecto, daquela sen título, anunciouse en setembro de 2019, e o cineasta revelou unha asociación con Universal Pictures. Ao ano seguinte, a rodaxe tivo lugar na República Dominicana durante tres meses, durante a pandemia de COVID-19, co director de fotografía Michael Gioulakis.
Old estreouse no Jazz at Lincoln Center de Nova York o 19 de xullo de 2021, e nos cinemas dos Estados Unidos o 23 de xullo. Recadou 90 millóns de dólares en todo o mundo sobre un orzamento de 18 millóns, e recibiu boas valoracións por parte da crítica.
Personaxes
Gael García Bernal como Guy Cappa Vicky Krieps como Prisca Cappa Rufus Sewell como Charles Abbey Lee como Chrystal Alex Wolff como Trent Cappa, (15 anos) Emun Elliott como Trent Cappa (adulto) Luca Faustino Rodriguez como Trent Cappa (11 anos) Nolan River como Trent Cappa (6 anos) Thomasin McKenzie como Maddox Cappa, (16 anos) Embeth Davidtz como Maddox Cappa (adulta) Alexa Swinton como Maddox Cappa (11 anos) Nikki Amuka-Bird como Patricia Carmichael Ken Leung como Jarin Carmichael Eliza Scanlen como Kara, (15 anos) Mikaya Fisher como Kara (11 anos) Kylie Begley como Kara (6 anos) Aaron Pierre como Mid-Sized Sedan/Brendan
Categoría:Filmes de 2021 Categoría:Filmes en lingua inglesa Categoría:Filmes dos Estados Unidos de América Categoría:Filmes dirixidos por M. Night Shyamalan Categoría:Filmes de Universal Pictures Categoría:Filmes rodados na República Dominicana Categoría:Filmes adiados por mor da pandemia de COVID-19 Categoría:Filmes sobre o tempo Categoría:Filmes sobre a vellez Categoría:Filmes sobre familias Categoría:Filmes sobre enfermidades Categoría:Filmes sobre a morte Categoría:Filmes de Blinding Edge Pictures