O chipileño, tamén denominado véneto chipileño; é unha variedade lingüística do véneto, lingua galoitálica orixinaria da rexión noritaliana de Véneto, que se fala en Chipilo, unha localidade do estado mexicano de Puebla.
É unha das linguas alóctonas mexicanas que carecen de status oficial, do mesmo xeito que o baixo alemán menonita, o romaní valaco, o éuscaro, o galego e o catalán, entre outras non recoñecidas que son faladas por uns 6.7 millóns de mexicanos.
Descrición lingüística
Clasificación O chipileño pertence á familia indoeuropea, dentro da rama románica, subgrupo italorrománico; e clasifícase especificamente como unha variedade do véneto. Non constitúe unha «lingua independente» desde o punto de vista filoxenético, pero si unha variedade claramente diferenciada do véneto europeo contemporáneo.
O chipileño está estreitamente emparentado coas variantes setentrionais do véneto italiano, particularmente coa variedade baixobellunés (basso-bellunese) falada en Belluno, Segusino e outras localidades do Véneto, aínda que conserva arcaísmos e formas que desapareceron ou evolucionaron de maneira diferente nas variedades contemporáneas do Véneto europeo debido ao illamento histórico da comunidade emigrante.
Notas
Categoría:Lingua véneta