A Fábrica de Armas da Coruña foi unha fábrica de munición e fusís situada na Coruña. Inaugurada por Francisco Franco en 1958, pechou finalmente o 15 de febreiro de 2013.
Historia esquerda|miniatura|253x253px|M43 Coruña, feito en 1949. En setembro de 1938 comezou o proxecto, despois de contemplar varios terreos, en febreiro de 1941, a escollida foi finalmente a zona de Pedralonga por estar preto da autoestrada. Porén, non foi ata xullo de 1947 que se concedeu a autorización de compra de terreos para a construción da fábrica. Posteriormente, inaugurouse o primeiro pavillón do novo complexo en marzo. A inauguración oficial tivo lugar o 7 de setembro de 1958, coa presenza de Francisco Franco. Nese ano o cadro de persoal era de 1 241 persoas.
O peche da fábrica anunciouse o 14 de febreiro de 2013. Este peche produciuse tras un declive que comezara xa na década de 1980, tras diversas crises durante as cales a fábrica incluso chegara a fabricar armas lixeiras para civís, e mesmo se considerou a posibilidade de fabricar pezas para outras industrias. Non obstante, un dos maiores reveses produciuse coa privatización en 2001 e a venda da fábrica á empresa estadounidense General Dynamics. Non obstante, os continuos recortes na carga de traballo e as crises do sector impediron que a fábrica se recuperase, o que levou ao seu peche definitivo en 2013, había 172 traballadores.
A empresa Hércules de Armamento gañou o concurso para o espazo en 2014 cun proxecto que buscaba 155 empregados no primeiro ano, cun beneficio de entre doce e vinte millóns de euros. A empresa estaba dirixida por Juan José Gómez e Ramón Mejuto, quen fora director xusto antes do peche de Santa Bárbara Sistemas por General Dynamics. Este novo lanzamento fixo pouco por mellorar a viabilidade da fábrica. En 2020, o Ministerio de Defensa obtivo a aprobación xudicial para que a empresa abandonase Pedralonga.
O 4 de maio presentouse oficialmente a Cidade das Tic, da man da Universidade da Coruña, Clúster TIC Galicia, o concello, a Xunta de Galicia e o goberno central. O espazo busca converterse nun polo de innovación en I+D que dará cabida a grandes e pequenas empresas do sector tecnolóxico a nivel nacional e internacional.
Notas
Categoría:A Coruña Categoría:Fábricas