Juan de Barrios Vega, nado en Colmenar Viejo, en 1563, e finado en Madrid, c. 1646, foi un médico, cirurxián e astrólogo castelán.
Traxectoria Naceu en Colmenar Viejo (Madrid) en 1563, fillo de Juan de Barrios, barbeiro, e Ana Vega. Estudou medicina en varias universidades como a de Alcalá de Henares, Lleida, Valencia e Sevilla. Descoñécese en cal recibiu o título, pero segundo Hernández Morejón foi na de Valladolid. Emigrou a Cidade de México en 1589, onde escribiu De la verdadera cirugía, medicina y astrología (1607) e, segundo Antonio de León Pinelo, Libro en el cual se trata del chocolate, qué provechos haya y si sea bebida saludable ó no, y en particular de todas las cosas que lleva, y qué receta conviene para cada persona y cómo se conocerá cada uno de qué complexión sea para que pueda beber el chocolate, de suerte que no le haga mal (1609). Do primeiro, Hernández Morejón salienta as súas ideas sobre as febres intermitentes perniciosas, que de Barrios di que sufriu, e sobre a condución de auga a Cidade de México. O segundo libro inclúe receitas de chocolate en función do sexo e temperamento (sanguíneo, flegmático ou melancólico) de quen o toma. Regresou a España en 1644 e morreu en Madrid ao redor de 1646.
Notas
Véxase tamén Bibliografía
Categoría:Nados en 1563 Categoría:Nados en Colmenar Viejo Categoría:Cirurxiáns de España Categoría:Médicos de España Categoría:Médicos de México Categoría:Alumnos da Universidade de Valladolid Categoría:Alumnos da Universidade de Lleida Categoría:Alumnos da Universidade de Valencia Categoría:Alumnos da Universidade de Sevilla