Claude Gros de Boze, nado en Lión o 28 de xaneiro de 1680 e finado en París o 10 setembro de 1753, foi un erudito numismático e bibliotecario francés, director do Gabinete de Medallas da Biblioteca Nacional de Francia.

Traxectoria Gros de Boze, naceu en Lión en 1680, fillo de Marie de Boze e de Jacques Gros, unha familia pertencente á antiga burguesía francesa."Éloge de M. Boze [...]". (1759). Páxina 259.

Estudou en Lión no Colexio da Trindade, onde en 1695, con 15 anos, presentou a súa tese de Filosofía.Babelón, E. (1891). Páxina 920.

Logo ingresou na maxistratura e desprazouse a París, onde foi recoñecido como avogado en 1698. Na capital do reino tomou contacto con intelectuais e sinaladamente con numismáticos como Hardouin, Foy-Vaillant e Oudinet, que o iniciaron no estudo das moedas antigas.

Logo de acadar o apoio de Nicolas-Joseph Foucault, converteuse en membro da Académie des Inscriptions et Belles-Lettres en 1705. O ano seguinte pasou a ser pensionista da institución e en 1719 foi nomeado secretario permanente."Gros de Boze, Claude". Comité des travaux historiques et scientifiques (CTHS.fr)."Boze, Charles Gros de" (1770). Páxinas 104. Xunto con Paul Tallemant e o abade Goujet escribiu unha historia desa institución, que se publicou en 1718."Claude Gros de Boze". Académie Française (academie-francaise.fr).

O 28 de febreiro de 1715 foi elixido membro da Academia Francesa para substituír a Fénelon, e foi recibido nesta academia por André Dacier o 30 de marzo de 1715.

En 1719 acadou o posto de conservador do Gabinete de Medallas e Antigüidades da Biblioteca Real, que exerceu ata o seu falecemento. Xunto co seu alumno e axudante Jean-Jacques Barthélemy, desenvolveu un método para clasificar as moedas e as medallas do Gabinete, e en 1723 compilou un "inventario e catálogo das medallas, pedras gravadas e outras rarezas antigas do Gabinete do Rei".Sarmant, T. (1994).

O catálogo da súa extensa biblioteca persoal foi compilado polo libreiro parisiense Jean Boudot. Esta biblioteca, posta á venda logo do seu pasamento, foi adquirida na súa totalidade por Jules-François de Cotte (1721-1810) e polos financeiros Boutin, que puxeron parte dos libros de novo á venda ao ano seguinte.Catalogue des livres du cabinet de M. de Boze. París, 1753.Catalogue des livres provenans de la bibliothéque de feu M. de Boze : dont la vente sera indiquée par affiches. G. Martin, París. 1754.

Gros de Boze ingresou o 6 de abril de 1749 na Royal Society de Londres. miniatura|268x268px|Retrato da súa esposa, Charlotte Philippine de Châtre du Cangé.

Vida persoal Contraeu matrimonio en 1732 con Charlotte Philippine de Châtre du Cangé,"Éloge de M. Boze [...]". (1759). Páxina 278. filla do bibliófilo Jean-Pierre Imbert Châtre de Cangé e de Philippine Charlotte de Wandt."T. H. & T. P. dame Charlotte-Philippine de Chatre veuve de T. H. & T. P. Jean-Joseph de Bourguignon Bessiere, Marquis de la Mure, Mestre-de-Camp-de-Cavalerie,...en son hôtel grande rue du faubourg St-Honoré". En Journal de Paris. N° 95. 5 de abril de 1789. Páxina 434.

Claude Gros de Boze finou en París o 10 de setembro de 1753 aos 73 anos."Éloge de M. Boze [...]". (1759). Páxina 277.

Publicacións Esta é unha escolma dos principais traballos monográficos publicados por Gros de Boze ao longo da súa traxectoria: (1702). Traité historique sur le jubilé des Juifs. F. du Bois, París. (1705). Dissertation sur le Janus des anciens et sur quelques médailles qui y ont rapport. P. Cot, París. (1705). Dissertation sur le culte que les anciens ont rendu à la déesse de la santé et sur quelques médailles qui y ont rapport. P. Cot, París. (1705). Explication d'une inscription antique trouvée depuis peu à Lyon, où sont décrites les particularitez des sacrifices que les Anciens appelloient Tauroboles. P. Cot, París. (1709). Éloge du révérend Père de La Chaize, confesseur du Roy. L. Vaugon, París. (1723). Médailles sur les principaux événements du règne entier de Louis le Grand, avec des explications historiques. Imprimérie royale, París. (1740). Histoire de l'Académie royale des inscriptions et belles-lettres (3 volumes). (1740). "Éloge de M. Simon". En Histoire de l'Académie royale des inscriptions et belles-lettres depuis son établissement, avec les éloges des académiciens morts depuis son renouvellement. Tomo II. París. Páxinas 159-171.

Notas

Véxase tamén

Bibliografía

Babelón, E. (1891). "Boze (Claude Gros de)". En La Grande Encyclopédie. Inventaire raisonné des sciences, des lettres et des arts. Tomo 7. 1891. París. Páxinas 920-921. "Boze, Charles Gros de". En Table des matières contenues dans l'Histoire et les Mémoires de l'Académie royale des inscriptions et belles-lettres, depuis le volume XXIII, jusques & compris le volume XXXII. Tomo XXXIII. Imprimerie royale, París. 1770. Páxinas 104-105. "Éloge de M. Boze". En Histoire de l'Académie royale des inscriptions et belles-lettres, avec les Mémoires de littérature tirés des registres de cette académie. Tomo 25. Imprimerie royale. París. 1759. Páxinas 259-278. Sarmant, T. (1994). "Le Cabinet des médailles sous Gros de Boze (1719-1753)". En Le Cabinet des médailles de la Bibliothèque nationale, 1661-1848. École des chartes, París. Páxinas 91-126. ISBN 978-2-900791-09-7

Categoría:Nados en 1680 Categoría:Finados en 1753 Categoría:Nados en Lión Categoría:Numismáticos de Francia Categoría:Bibliófilos Categoría:Membros da Académie des inscriptions et belles-lettres Categoría:Membros da Royal Society Categoría:Membros da Academia Francesa Categoría:Directores de museos Categoría:Persoas relacionadas coa Biblioteca Nacional de Francia