Pedro Rielo Lamela, nado en Pontevedra o 3 de decembro de 1972, é un escritor e xornalista galego.
Traxectoria Estudou no IES Sánchez Cantón e licenciouse en Ciencias da Información pola Universidade Complutense de Madrid, realizou estudos de Xeografía e Historia na Universidade de Santiago de Compostela.
Como xornalista ten colaborado, entre outros medios, no Diario de Pontevedra, El Progreso, A Nosa Terra, La Voz de Galicia, O Correo Galego, Antena 3 TV e Galicia Hoxe.
Como escritor colaborou con poemas en revistas como Dorna, Microfisuras, Bravú e Barataria.
É empregado de Servicios Audiovisuales Overon e dende o 17 de setembro de 2012 é xornalista de directos para os programas informativos da Televisión de Galicia como os Telexornal, A Revista e o Bos Días.
Pedro Rielo é fillo de Paz Lamela Vilariño e sobriño dos cregos escritores Isaac Rielo Carballo e Nicanor Rielo Carballo.
Obra en galego Poesía Illado na incerteza, 2002, Espiral Maior. As palabras furtivas, 2006, Espiral Maior.
Narrativa Detrás dos perdidos (2019). Ed. Embora. Col. O Globo. 272 páxs. ISBN 978-84-17824-07-5. Ensaio Ovidio Murguía, 2004, Xunta de Galicia.
Premios
Outubro de 2018: III Premio Xosé Neira Vilas de Novela Curta coa obra Detrás dos perdidos. Novembro de 2020: premio Reimóndez Portela. O xurado valorou os seus artigos sobre a lingua, o maltrato e a natureza no Diario de Pontevedra. Novembro de 2025: gañou o certame literario Territorio Vákner, convocado dende a Redacción carballesa de La Voz de Galicia e Radio Voz, co patrocinio do Concello de Dumbría, polo relato "Lúa chea sobre pedra cabalgada".
Notas
Véxase tamén Ligazóns externas Ficha do autor en Cultura Galega.
Categoría:Escritores de Galicia en lingua galega Categoría:Xornalistas de Pontevedra Categoría:Poetas de Galicia Categoría:Nados en Pontevedra Categoría:Nados en 1972 Categoría:Alumnos da Universidade Complutense de Madrid Categoría:Alumnos da Universidade de Santiago de Compostela