La trezza l’è una sorta de sgiustadura che la se fœusgia con l’incrosà trii o pussee covanellot de cavei ind una bezza pu o manca longa. L’è una manera de conzàss i cavei che la perten minga a una cultura spezzifega, ma inscambi la se pœul trovà in tante sozzietaa in tut el mond independentement del period istoregh.
La version pussee fazzila e spantegada l’è una strucciura piata a trii legnœui. Di motiv pussee compless pœuden vesser fait su cont un numer de covanellot qualsessia per crejà una serie de strucciure pussee slargada e variada. La strucciura l’è, de norma, longa e streccia, e ogna covanellot che la compon l’è compagn ind la manera ch’el se incavalla intravers la massa soraposuda dei olter. A nivell strucciural, l’intrezzament di cavei el pœul vesser miss a para al fà tila, un prozzess che de solet el tœul denter duu grup spartid e perpendicolar de fii: ordidura e trama.
Refarenze
Olter proget