Бисти бојс (англиски: Beastie Boys) ― поранешна американска хип-хоп група од Њујорк, основана во 1978 година. Членови на групата биле: Мајкл „Мајк Ди“ Дајмонд (вокал, тапани), Адам „Ем-Си-Еј“ Јаук (вокал, бас) и Адам „Ад-Рок“ Хоровиц (вокал, гитара, програмирање). Beastie Boys биле создадени од членовите на експерименталната хардкор-панк група Young Aborigines во 1978 година, со Дајмонд како вокал, Џереми Шатан на бас-гитара, Џон Бери на гитара и Кејт Шеленбах на тапани. По заминувањето на Шатан во 1981 година, Јауч го заменил на бас, а групата го променила името во Beastie Boys. За брзо групата ја напуштил и Бери, а бил заменет со Хоровиц.

Откако имале местен успех со комичната хип-хоп песна „Cooky Puss“ објавена во 1983 година, Beastie Boys почнале во целост да снимаат хип-хоп, а Шеленбах заминала. Во 1985 година биле на турнеја со Мадона, а една година подоцна го објавиле нивниот прв албум, Licensed to Ill (1986), прв рап-запис кој стигнал до прво место на Билборд 200 листата. Нивниот втор албум, Paul's Boutique (1989), речиси целосно составен од семплови, слабо се продавал, но подоцна добил признание од критиката. Check Your Head (1992) и Ill Communication (1994) имале масовен успех, а по нив ги објавиле албумите: Hello Nasty (1998), To the 5 Boroughs (2004), The Mix-Up (2007) и Hot Sauce Committee, Втор дел (2011).

Beastie Boys продале 20 милиони плочи во САД и имале седум платинести албуми во периодот од 1986 до 2004 година. Тие се најпродавана рап-група откако Билборд од 1991 година почнал да ја бележи продажбата. Во 2012 година, станале трета рап-група примена во Куќата на славните на рокенролот. Истата година, Јаук починал од рак, а Beastie Boys се распаднале. Другите членови објавиле неколку ретроспективни дела, а исто така и книга, документарен филм и компилациски албум кој ја опфаќа целокупната кариера од групата. мини|300x300пкс| Од лево кон десно: Адам Хоровиц, Адам Јаук, Мајкл Дајмонд

Музички стил, влијание и наследство Beasty Boys прво биле хардкор-панк група, но кога започнале да го подготвуваат нивниот прв студиски албум Licensed to Ill во голема мера ја напуштиле оваа насока за сметка на хип-хоп и рап-рок музиката. Нивниот музички стил бил мешавина на елементи од хип-хоп, панк, фанк, електро, џез и латинска музика. Тие исто така се сметаат за група што свири алтернативен хип-хоп, алтернативен рок и панк-рап музика.

По објавувањето на нивниот деби-албум, Licensed to Ill, Мајк Ди на сцена и на рекламните фотографии се појавувал со голем амблем на фолксваген закачен на ланче. По ова имало голем број кражби на амблемот од возилата ширум светот ос страна на обожаватели што се обидувале да го подражаваат. Контроверзниот концерт во Колумбус, Џорџија во 1987 година довело до донесување на уредба за развратност во тој град.

Beastie Boys се сметаат за многу влијателна група во хип-хоп и во рок-музиката, а уметници како Еминем, Rage Against the Machine, Hed PE, , Sublime, и Blur наведувеле дека тие влијаеле на нивната музика. Beastie Boys имале четири албуми кои го се искачиле на врвот на листата за албуми на Билборд ( Licenced to Ill, Ill Communication, Hello Nasty и To the 5 Boroughs). Во ноемвриското издание од 2004 година, Ролинг Стоун ја ставило песната „Sabotage“ на 475-то место на нивната листа од 500 најдобри песни на сите времиња. Во нивното издание од април 2005 година, Ролинг Стоун ги ставил на 77 место на нивната листа од 100 најголеми уметници на сите времиња. VH1 ги одредила на 89-то место на нивниот список од нивните 100 најдобри уметници на сите времиња. На 27 септември 2007 година, било објавено дека Beastie Boys се едни од деветте предложени за внесување во Рокенрол Куќата на славните во 2008 година. Официјално биле внесени во 2012 година.

Во 2020 г., списанието Spin ги одредило Beastie Boys на 12-то место на списокот од највлијателни уметници во претходните 35 години.

Членови на групата Поранешни членови Џон Бери ― гитара (1981 ― 1982; починал во 2016 година) Мајкл „Мајк Ди“ Дајмонд ― вокал (1981 ― 2014), тапани (1984 ― 2014) Кејт Шеленбах ― тапани, перкусии (1981 ― 1984) Адам „MCA“ Јаук ― вокал, бас-гитара (1981 ― 2012; починал 2012 година) Адам „Ад-Рок“ Хоровиц ― вокал, гитара (1982-2014)

Други членови (не биле дел од главната постава на групата, но им се придружувале на турнеи): DJ Double R (Рик Рубин) ― диџеј (1984 ― 1985) Андре „Doctor Dré“ Браун ― диџеј (1986) DJ Hurricane (Вендел Вејт) ― диџеј (1986 ― 1997) Марк „Money Mark“ Рамос-Нишита ― клавијатури, вокал (1992 ― 2012) Ерик „Бобо“ Кореа ― перкусии (1992 ― 1996) Ејмери ​​„AWOL“ Смит ― тапани (1994 ― 1998) Алфредо Ортиз - перкусии, тапани (1996 ― 2012) Мајкл „Mix Master Mike“ Шварц ― диџеј, придружни вокали (1998 ― 2012)

Временска рамкаВременска рамка за членови на турнеја

Дискографија Студиски албуми

Licensed to Ill (1986) Paul's Boutique (1989) Check Your Head (1992) Ill Communication (1994) Hello Nasty (1998) To the 5 Boroughs (2004) The Mix-Up (2007) Hot Sauce Committee Part Two (2011)

Белешки

Наводи

Надворешни врски

Beastie Boys Lyrics Annotated – Beastie Boys lyrics laid out with annotated comments explaining popular culture and historical references as well as known samples.

Категорија:Рапкор групи Категорија:Музички групи основани во 1981 година Категорија:Музички групи распаднати во 2012 Категорија:Алтернативен хип-хоп групи Категорија:Хардкор хип-хоп групи Категорија:Американски хардкор групи Категорија:Рап рок музички групи Категорија:Американски хип-хоп групи Категорија:Хип-хоп групи од Њујорк Категорија:Музички групи од Њујорк Категорија:Американски алтернативен рок музички групи Категорија:Добитници на Греми Категорија:Добитници на MTV Video музички награди Категорија:Добитници на MTV Europe музички награди __СОСОДРЖИНА__ __ИНДЕКС__