Them ― рок-група од Северна Ирска основана во Белфаст во април 1964 година. Најпознати се по рок-стандардот „Gloria“ и по пуштањето на музичката кариера на пејачот Ван Морисон.
Нивната песна „Gloria“ од 1964 година, во 1999 година била примена во Гремиевата куќа на славата. Музичкиот критичар, Дејв Марш во 1989 година ја ставил на 69-то место во неговата книга „Срцето на рокот и соулот, 1001 најдобар сингл досега“ а „ Mystic Eyes“ била ставена на 458-мо место. „Gloria“ се наоѓа на 208-мото место на списокот од 500 најдобри песни на сите времиња објавена од списанието Ролинг стоун во 2004 година.
Историја на групата Во 1962 година, Алан Хендерсон (бас), Били Харисон (гитара) и Рони Милинг (тапани) ја основале групата The Gamblers. Во април 1964 година, на групата ѝ се придружиле Ван Морисон (вокал, хармоника) и Ерик Риксон (клавијатури), и го смениле името во Them кое било преземено од хорор филм од педесетите - „Them!.Rogan (2006), pp. 79–83
Групата имала солидни R&B настапи во хотелот Maritime кои го привлекле вниманието на издавачките куќи. На сцената во хотелот Maritime, Морисон за прв пат ја испеал „Gloria“. Во зависност од неговото расположение, песната можела да трае и до дваесет минути. Морисон рекол: „Them живееа и умреа на сцената во хотелот Maritime“, сметајќи со тоа дека групата не успеала да ја долови спонтаноста и енергијата од нивните настапи во живо на нивните плочи.Turner (1993), page 44. Изјавата, исто така, ја одразува нестабилноста на составот на Them, многу членови доаѓале и си заминувале од групата. Морисон и Хендерсон биле единствени константни членови, а понеуспешната верзија на Them продолжила по заминувањето на Морисон.Heylin (2003), page 118
Дик Роу од Decca Records потпишал стандарден двегодишен договор со Them. Во овој период, тие издале два албума и десет синглови, и уште два сингла откако Морисон ја напуштил групата. Имале три хита на топ листите, „ Baby, Please Don't Go“ (1964), „ Here Comes the Night“ (1965) и „Mystic Eyes“ (1965), но на Б-страната од „Baby, Please Don't Go“ се наоѓала „Gloria“,Turner (1993), pages 48–51 кој станала рок-стандард препеан од Пети Смит, Дорс, the Shadows of Knight, Џими Хендрикс и многу други.
Во 1966 година, за време на турнејата во САД, Морисон ја напуштил групата за да продолжи со соло кариера - која трае до денес (2023 година). Групата продолжила со: пејачот Кен Мекдауел, Џо Бони, Алан Хендерсон и новите инструменталисти - Реј Елиот (клавијатури) и Дејвид Харви (тапани) и се обиделе да го искористат од угледот на претходната постава. Групата се распаднала во 1972 година. Била возобновена во 1979 година, но конечно била распуштен истата година.
Ван Морисон за заминувањето од Them рекол: „Немаше никаков мотив зад она што го правевте [тогаш]. Го правевте зошто така сакавте и уживавте во тоа. Така тргнаа работите, но попатно тие се извртеа и сите кои бевме вклучени исто така се извртеа, вклучувајќи ме и мене.“ (1967) „Не можете да земете нешто туку-така, да го ставите во кутија и на неа да напишете читко име, а потоа да се обидете да го продадете. Тие се обидоа да го направат тоа на тој начин. Тоа е она што ги уби Them" (1973).Heylin, p. 112
Иако Them имале релативно малку хит синглови, групата имала значително влијание врз други рок изведувачи, како што се Doors.
Наводи
Надворешни врски
Водич за музички колекционери – целосна хронологија на нив/Ван Морисон [ Биографија на Allmusic.com:] Them Them Бендот статив.com Детална биографија Подоцнежните кариери на членовите на групата од Џон Берг Месечна биографија на нив на Garagehangover.com Them Биографија на Марк Скот од Ричи Унтербергер
Категорија:Рок групи од Северна Ирска Категорија:Британски ритам и блуз музички групи Категорија:Гаражен рок групи од Северна Ирска Категорија:Британски блуз рок музички групи Категорија:Британски блуз музички групи Категорија:Музички групи основани во 1964 година