Тир (, ) — град во Југозападен Либан, административен центар на округот Тир во гувернерството Јужен Либан. Неговото население е околу 60.000 луѓе. Расположен е на брегот на Средоземното Море, 70 километри јужно од главниот град Бејрут и 20 километри северно од границата со Израел, а историскиот дел од градот се наоѓа на природно заштитен полуостров. Тир е основан околу 2750 пр. н. е. а во древноста бил еден од главните феникиски градови.
Во градот има многу древни споменици бидејќи Тир бил важен град на Феникијците и за време на Стариот Рим. Според легендата, Европа и Дидона се родени во Тир.
Според Херодот, градот бил основан околу 2750 година пр. н. е. Тирските трговци биле првите трговци на Средоземното Море. Тие создале свои колонии на брегот на Егејското Море, на северниот брег на Африка, Сицилија, Корзика, Картагина и Шпанија. Древниот град се наоѓал на островот, додека населбата Ушу била на копното. Градот имал извонредно пристаниште и моќни одбранбени ѕидини високи 46 метри. Тир бил особено познат по производството на скапоцената пурпурна боја. Во 332 пр. н. е. Александар Македонски го уништил стариот град и изградил провлак што го поврзувал островот со копното.
Подоцна со овој град владееле Римјаните, Омајадскиот Калифат, крстоносците, Мамелуците и Османлиите. Кон крајот на X век, во градот избувнало христијанско востание против арапската власт, по што населението било уништено. Тир припаѓа на државата Либан од нејзиното основање во 1920 г. Денес во градот живеат шиитски муслимани, сунитски муслимани (палестински бегалци) и мал број христијани.
Градот како целина бил вклучен во Списокот на Светско наследство на УНЕСКО во 1984 г. Историчарот Ернест Ренан забележал: „Можете да го наречете Тир градот на урнатини, изграден од урнатини“.Medlej, Youmna Jazzar; Medlej, Joumana (2010). Tyre and its history. Beirut: Anis Commercial Printing Press s.a.l. стр. 1—30. ISBN 978-9953-0-1849-2.
Наводи
Надворешни врски
American University of Beirut (AUB) Museum team discovers first Phoenician Temple in Tyre; only complete one in Lebanon Alexander's Siege of Tyre at World History Encyclopedia photo 2u Lebanon, the Cedars' Land: Tyre Mission archéologique de Tyr 360 Panorama of Tyre's Archeological Site __СОСОДРЖИНА__ __ИНДЕКС__
Категорија:Светско наследство во Либан Категорија:Древни градови Категорија:Градови