Трамар Лејсел Дилард (англиски: Tramar Lacel Dillard; роден на 16 септември 1979 година), професионално познат како Фло Рајда (англиски: Flo Rida, IPA: /ˌfloʊ ˈraɪ.də/) ― американски рапер, пејач и текстописец. Неговата песна „Low“ од 2007 година 10 недели била на прво место на топ-листата во САД и своевремено го соборила рекордот за продажба преку цифрено преземање.
Дилард е роден на 16 декември 1979 година, и живеел во населбата Керол Сити во Мајами Гарденс на Флорида.
Првиот студиски албум под наслов Mail on Sunday Фло Рајда го објавил во 2008; албумот се искачил на четврто место на топ-листата во САД. Следната година го објавил албумот R.O.O.T.S.. Потоа следувале албумите: Only One Flo (Part 1) (2010) и Wild Ones (2012); и овие албуми исто така се пласирале на американската топ-листа за албуми, Билборд 200. Фло Рајда продал преку 80 милиони плочи ширум светот, со што е меѓу музичарите со најмногу продадени албуми. Негови други популарни песни се: „Right Round“, „Club Can't Handle Me“, „Good Feeling“, „Wild Ones“, „Whistle“, „I Cry“, „GDFR“ и „My House“.
Заедно со Сенхит го претставувал Сан Марино на Изборот за песна на Евровизија 2021 година во Ротердам.Flo Rida will join Senhit for San Marino 🇸🇲 - Eurovision.tv
Дискографија
Mail on Sunday (2008) R.O.O.T.S. (2009) Only One Flo (Part 1) (2010) Wild Ones (2012)
Наводи
Категорија:Поп рапери Категорија:Американски хип-хоп пејачи Категорија:Американски пејачи и пејачки од 21 век Категорија:Родени во 1979 година Категорија:Американски рапери Категорија:Афроамерикански пејачи Категорија:Американски поп-пејачи Категорија:Учесници на Евровизија Категорија:Луѓе од Мајами Категорија:Живи луѓе