мини|десно|исправено=1.2|Плејона во Плејадите е обвивна ѕвезда. Обвивна ѕвезда — ѕвезда со спектар кој покажува крајно широки впивни линии, како и некои многу тесни. Типично покажуваат и извесни оддавни линии, обично од Балмеровата низа, но повремно и други. Широките впивни линии се должат на брзото вртење на фотосферата и оддавните линии од екваторскиот диск, а тенките впивни линии се создаваат во дискот кога се гледаат странично на работ.
Овие ѕвезди имаат спектрални типови O7,5 до F5, со вртежна брзина од 200–300 км/с, недалеку од точката кога вртежното забрзување би ја пореметило ѕвездата.
Спектар Обвивните ѕвезди се дефинираат ккао група според постоењето на проширени фотосферни спектрални линии заедно со многу тесни впивни линии. Оддавните линии често се присутни, но не се определителна особина. Точните спектрални линии донекаде се разликуваат: Балмеровите оддавни линии се многу чести, но може да бидат слаби или отсутни кај поладните ѕвезди; FeII-линиите се чести, но не се секогаш присутни; хелиумските линии се забележуваат кај поврелите ѕвезди. Фотосферните линии се вртежно проширени, со проектирана брзина од или повеќе.
Спектралните линии на обвивните ѕвезди имаат сложени профили, со променливи крила, јадра и суперпозиции на впивните и оддавните црти. Во некои случаи, поединечни црти се променливи само како измени на линискиот профил, ослабување на друга линија. Ова води до линии со двојни и тројни врвови, или пак несиметрични линии.
Обвивните ѕвезди многу често имаат оддавни линии и затоа често се Бе-ѕвезди, иако може да се јават и кај спектралните класи O, A, а понекогаш и F.
Подвидови Постојат четири категории на обвивни ѕвезди, иако повеќе не се сметаат за значајни и ретко се среќаваат во стручната литература: рани Be-ѕвезди од спектрален тип O7,5 до B2,5 средни Be-ѕвезди од тип B3 до B6,5, доцни Be-ѕвезди од тип B7 до B9,5 A-F-обвивни ѕвезду од A0 до F5
Огромно мнозинство од познатите обвивни ѕвезди се од спектралната класа B. Меѓутоа, делумно поради ова, многу поладни обвивни ѕвезди остануваат незабележани. Затоа, Be-појавата и самиот поим Be-ѕвезда денес широко се користи не само за спектралната класа B, туку и за A, а понекогаш и O и F.
Променливост Обвивните увезди имаат променливи спектри и сјајност. Обвивните црти може да ги има, па да ги снема, и ѕвездата се емнува од обвивна во нормална B- или Be-ѕвезда. Обвивните ѕвезди што покажуваат бавна неправилна променливост поради промени (или исчезнување) во „обвивката“ се нарекуваат променливи од типот на Гама Касиопеја. Плејона и самата Гама Касиопеја се променливи ѕвезди кои имаат повремени обвивни епизоди каде силните обвивни црти во спектарот и сјајноста значително се зголемуваат и намалуваат. Некогаш обвивката не е забележлива на спектарот, а можат да исчезнат дури и оддавните линии.
Наводи
Надворешни врски За вртежните брзини на Be- and Be-обвивните ѕвезди, Џон Портер
Категорија:Видови ѕвезди