Констанс Френсис Мари Окелман (14 ноември 1922 - 7 јули 1973), професионално позната како Вероника Лејк, била американска филмска, театарска и телевизиска глумица. Лејк била најпозната по нејзините улоги како фатална жена во филмови ноар со Алан Лад во текот на 1940-тите, по нејзината фризура и филмови како „ Патувањата на Саливан“ (1941) и „Се оженив со вештерка“ (1942). До крајот на 1940-тите, кариерата на Лејк почнала да опаѓа, делумно поради нејзиниот алкохолизам. Во 1950-тите снимила само еден филм но имала неколку гостувања на телевизија. Се вратила на големото платно во филмот „Стапки во снегот“ (1966), но улогата не ѝ ја оживеала кариерата.
Мемоарите на Лејк, „Вероника: Автобиографијата на Вероника Лејк“, биле објавени во 1970 г. Нејзината последна филмска улога била во нискобуџетен хорор филм, „Прослава на месо“ (1970). Лејк починала на 50-годишна возраст во јули 1973 година, од хепатит и акутна повреда на бубрезите.
Личен живот Првиот брак на Лејк бил со уметничкиот директор Џон С. Детли, во 1940 година. Тие имале ќерка, Елејн (родена во 1941 година), и син, Ентони (роден на 8 јули 1943 година). Синот на Лејк се родил предвреме откако таа се сопнала на кабел за осветлување додека снимала филм. Ентони починал на 15 јули 1943 година. Лејк и Детли се разделиле во август 1943 г. и се развеле во декември 1943 година.
Во 1944 година, Лејк се омажила за филмскиот режисер Андре де Тот, со кого имала син, Андре Ентони Мајкл III (познат како Мајкл Де Тот) и ќерка, Дајана (родена во октомври 1948 година). Откако купила авион за де Тот, Лејк ја добила својата пилотска лиценца во 1946 година. Подоцна, кога го напуштила, летала сама помеѓу Лос Анџелес и Њујорк. Лејк и де Тот се развеле во 1952 година.
Во септември 1955 година, се омажила за текстописецот Џозеф Алан Мекарти. Тие се развеле во 1959 година. Во 1969 г. изјавила дека ретко ги гледала своите деца.
Наводи
Литература
Лејк, Вероника; Бејн, Доналд (1970). Вероника: Автобиографијата на Вероника Лејк . „Цитадел Прес“; Ленбург, Џеф, Пикабу: Приказната за Вероника Лејк . iUniverse, 2001; . Одерман, Стјуарт, Разговор со пијанистот 2 . BearManor Media, 2009;
Надворешни врски
Категорија:Американски театарски глумици Категорија:Американци со ирско потекло Категорија:Американци со германско потекло Категорија:Американски воздухопловци Категорија:Починати во 1973 година Категорија:Родени во 1922 година Категорија:Американски глумици од 20 век