Лејер Роу — поранешен фудбалски стадион во Колчестер, Англија. Тој бил дом на фудбалскиот клуб Колчестер Јунајтед од негово основање во 1937 година, сè додека клубот не се преселил на стадионот Колчестер Комунити во 2008 година, што резултирало со негово затворање. Стадионот сместувал 6,320 гледачи до времето на неговото затворање и бил изграден во 1907 година, првично за употреба од страна на фудбалскиот клуб Колчестер Таун.
Рекордната посетеност на „Лејер Роуд“ била 19,072 гледачи за натпреварот од ФА Купот против Рединг во ноември 1948 година, натпревар кој бил прекинат поради магла. Стадионот го искористил фудбалскиот клуб Садбери Таун, како домаќин на натпреварот од ФА Купот против Брентфорд во 1996 година, бидејќи нивниот стадион „Прајори“ бил прогласен за несоодветен. Една од необичните карактеристики на стадионот бил крајниот дел од Лејер Роуд, каде што задниот дел од голот и мрежата всушност се пробивале кон трибината.
Најновото подобрување на теренот било изградбата на мала, привремена трибина за седење за сместување на гостинските навивачи. Таа сместувала 143 поситители и била слична на чоколадните кутии во стадионот Дел.
Последниот натпревар на првиот тим на Лејер Роуд се одржал на 26 април 2008 година, кога Колчестер загубил со 1-0 од Стоук Сити, а Ричард Кресвел го постигнал последниот гол на стадионот.Sudbury Town Football Club History Database
Само три дена по збогувањето со првиот тим, Лејер Роуд бил домаќин на натпревар од резервната лига на „Понтинс Холидеј Комбинејн“ во вторник, 29 април 2008 година, кога 471 гледачи биле сведоци на победа на Колчестер Јунајтед над Питерборо Јунајтед со 3-0 во последниот натпревар на стадионот.
Младинскиот тим на Далвич Хамлет бил поканет на пријателски натпревар зад затворени врати на 11 јули 2008 година, каде што Колчестер победил со 7-0 во она што станало последниот фудбалски натпревар одигран на Лејер Роуд.
Стадионот последен пат бил заклучен на 17 јули 2008 година по 101 година употреба, од кои 71 година бил дом на Колчестер Јунајтед.Sudbury Town Football Club History Database
Во 2011 година, Советот на општина Колчестер го продал местото на стадионот од 3,63 акри на инвеститорот „Аби Њу Хоумс“ во договор вреден приближно 1,5 милиони фунти.Sudbury Town Football Club History Database Потоа била издадена дозвола за градење за изградба на 58 куќи на локацијата, мешавина од станови и куќи, со централен отворен тревен простор што требало да се остави за да ја одрази неговата историја како фудбалски терен и како знак на почит кон навивачите чии пепел бил расфрлани на теренот како израз на нивната љубов кон клубот. Во средината на 2012 година, Лејер Роуд бил срушен, а изградбата на куќи започнала веднаш.Sudbury Town Football Club History Database
Бронзена статуа на поранешниот играч Питер Рајт била откриена во центарот на новиот развој во 2015 година од страна на неговата вдовица Линдзи и пратеникот Сер Боб Расел, откако Рајт бил избран за играч на векот на Колчестер Јунајтед од страна на навивачите во 2000 година.Sudbury Town Football Club History Database Статуата означувала дека местоположбата била дом на Колчестер Јунајтед седумдесет години и го одбележувала Рајт, играч кој се приклучил на клубот во 1951 година, имајќи над 400 настапи и постигнувајќи 93 гола во текот на 13-годишниот период. На церемонијата на откривање на статуата присуствувале околу 150 луѓе, вклучувајќи го и тогашниот капитен на Колчестер Јунајтед Магнус Окуонге, заедно со многу луѓе поврзани со клубот, и од минатото и од сегашноста.Sudbury Town Football Club History Database Статуата била изработена од локалниот уметник Менди Прат.
Наводи
Надворешни врски
Информации за Лејер Роуд ФК Колчестер Јунајтед
Категорија:ФК Колчестер Јунајтед Категорија:Фудбалски стадиони во Англија Категорија:Поранешни фудбалски стадиони