мини|Судски двобој во Аугсбург (1409). Цртеж на Јерг Број Помладиот од трактатот за мечување на Паул Хектор Мајр. Ок. 1544 г.|280x280px Судски двобој — еден од начините за решавање спорови во Средновековна Европа, при кој исходот од спорот се решавал со борба (еден на еден) помеѓу страните: победникот се прогласувал за оној што го добил спорот. Вообичаено се користел во случаи кога не било можно да се утврди вистината преку сослушување сведоци, а ниту една од страните не ја признавала својата вина или грешка. Во суштина, судскиот двобој претставува двобој санкциониран со закон.

Судскиот двобој во Англија Обичајот судските спорови да се решаваат со двобој им бил познат и на Древните Англи и Саксонци, како и на данските Викинзи, но поширока примена добил дури по норманското освојување.

Монахот Џоселин Бракелондски од Бери Сент Едмундс во својата хроника раскажува за двобој што се случил во 1163 г. во близина на Рединг во Беркшир. Спорот бил помеѓу баронот Хенри де Есекс, констабл на кралот Хенри II Плантагенет, и неговиот сосед Роберт де Монфор, кој го обвинил баронот за кукавичлук покажан неколку години претходно за време на походот во Велс. Хенри, кој ја изгубил борбата, бил оставен да умре на бојното поле, но монасите од блиското опатија на апостол Јован успеале да го спасат. Баронот, кој по чудо преживеал, бил лишен од своите имоти од страна на кралот, но добил дозвола да ги заврши своите денови во манастирот што му го спасил животот.

Во 1571 г., кралицата Елизабета I го забранила судскиот двобој во граѓанските спорови. Во кривичните дела, пак, судскиот двобој исчезнал од англиското законодавство дури во 1819 г., по одлука на парламентот по познатиот „случај Торнтон“. Абрахам Торнтон, кој бил обвинет за убиство, сакал да ја докаже својата невиност преку судски двобој, што ги принудило властите конечно да го укинат овој застарен закон.

Наводи

Надворешни врски

Appeal of Murder, etc. Act 1819 Charters relating to Judicial Duels, 11th – 12th Century

Категорија:Двобој Категорија:Средновековна култура Категорија:Средновековно право Категорија:Историја на правото Категорија:Кривична постапка Категорија:Правда