Acanthocereus tetragonus — вид кактус кој потекнува од Флорида и долниот дел од долината на Рио Гранде во Тексас во САД, Мексико, Средна Америка, Карибите и северна Јужна Америка. Видот е инвазивен во Нова Каледонија. Првично бил опишан од Карл Линеј во 1753 година како Cactus tetragonus, но бил преместен во родот Acanthocereus во 1938 година од Питер Вагенар Хумелинк .

Опис Acanthocereus tetragonus е висок, столбовиден кактус кој достигнува висина од 2-7 метри. Стеблата се темнозелени, имаат три до пет агли, и имаат 6-8 сантиметри во дијаметар. Ареолите се сиви и одделени. Централните ареоли имаат една до две боцки долги до 4 сантиметри, додека радијалните ареоли имаат шест до осум боцки со должина до 2,5 сантиметри. Цветовите се со дијаметар од 14-20 сантиметри, со цевка која има должина од 8-15 сантиметри. Надворешните тепали се зеленикаво-бели, внатрешните тепали се чисто бели, а толчниците се кремасто бели. Цветовите се отворени од полноќ до зори, и привлекуваат колибри (Hemaris spp.). Сјајните, црвени плодови се долги околу 5 сантиметри.

Овој многу бодлив, често голем и грмушкист кактус има стебла високи до 3 метри, или можеби и повисоки. Потекнува од крајбрежните предели и топлите, суви крајбрежни живеалишта и грмушки, и песочните крајбрежни живеалишта на централна и јужна Флорида, јужно од Карибите. Цветовите се впечатливи и бели со темноцрвена и портокалова или црвено-портокалова средина. Цветовите цветаат ноќе, и се затвораат во текот на денот. Овој кактус цвета неколку пати годишно, со цвет кој трае по неколку недели. Овој кактус често формира грмушки во крајбрежните предели кои можат да бидат непробојни и бодликави. мини|200x200пкс|Отворен цвет мини|Пупки

Употреба Младите стебла на кактусот може да се јадат како зеленчук, варени или сурови, додека плодовите се јадливи и слатки. Понекогаш се одгледува како украсно растение на отворено, а понекогаш се сади како жива ограда.

Минијатурната сорта на овој вид кактус, најчесто се одгледува како собно растение поради тоа што е мало и поради тоа што има интересна форма.

Наводи

Надворешни врски

Категорија:Незагрозени видови според МСЗП Категорија:Кактуси