Закосен текст
Иво Бошкоски (, ) — истакнат македонско-италијански гастроентеролог, професор и научен истражувач. Тој е вонреден професор по гастроентерологија на Католичкиот универзитет „Свето срце“ (Università Cattolica del Sacro Cuore) во Рим и специјалист во Универзитетската клиника „Агостино Џемели“. Познат е како пионер во воведувањето на иновативни ендоскопски методи за лекување дебелина, вклучувајќи ја методата „ендослив“ (Endosleeve).
Животопис Роден е и израснат во Тетово, каде го завршил основното и средното образование. На Медицинскиот факултет во Скопје се запишал во 1999. На втора година од студирањето, решил да ги продолжи студиите во Перуџа, Италија, каде во 2005 дипломирал. Аплицирал за специјализација во Рим на Кампусот Биомедико и на Католичкиот универзитет во Рим кај професорот Гвидо Костања, и со многу напор и спремање успеал да влезе. Докторирал во областа на ендоскопско лекување на дебелина. Својот професионален пат го гради во болницата „Џемели“, која е позната како „Болница на папите“.
Бошкоски е меѓународно признат по неговата работа во баријатриската ендоскопија. Тој е првиот лекар во светот кој вовел специфична ендоскопска метода која влијае на хормонот на глад, помагајќи им на пациентите да изгубат до една третина од телесната тежина.
Во 2025 година, Бошкоски бил дел од тимот што го освоил престижниот истражувачки грант ERC Synergy Grant од Европскиот истражувачки совет.
Изуми и патенти Boškoski-Costamagna ERCP Trainer: Уред за симулација и обука на лекари за ендоскопска ретроградна холангиопанкреатографија, произведен од Cook Medical. Патент за стент за електротермален третман: Регистриран патент бр. 0001426680.
Избрани научни трудови Иво Бошкоски има објавено над 150 научни трудови со илјадници цитати. Неговиот фокус е на баријатриската ендоскопија и лечењето на дебелината. Boškoski, I., et al. (2024). "Automatic endoscopic gastroplasty for the treatment of obesity: results from a prospective multicenter study". Објавено во Gastrointestinal Endoscopy. Boškoski, I., et al. (2023). "Curriculum for bariatric endoscopy and endoscopic treatment of the complications of bariatric surgery: European Society of Gastrointestinal Endoscopy (ESGE) Position Statement". Објавено во Endoscopy. Boškoski, I. (2023). "Small intestine is a big player!". Digestive Endoscopy. Familiari, P., Boškoski, I., et al. (2011). "Transoral gastroplasty for morbid obesity: a multicenter trial with a 1-year outcome". Gastrointestinal Endoscopy. Tringali, A., Boškoski, I., Costamagna, G. (2008). "The role of endoscopy in the therapy of chronic pancreatitis". Best Practice & Research Clinical Gastroenterology.
Наводи
Надворешни врски Интервју со Иво Бошкоски на 360°, 12 сезона, шоу 54
Категорија:Македонски лекари Категорија:Македонци во Италија Категорија:Гастроентеролози Категорија:Македонски универзитетски професори