Балкански јавор () — вид на јавор. Расте во Југоисточна Европа и Западна Азија.The Book of Leaves: A Leaf-by-Leaf Guide to Six Hundred of the World's Great Trees Allen J. Coombes University of Chicago Press, 10 декември 2014 Во Македонија е застапен со подвидот intermedium и разновидностите intermedium и paradoxum.
Опис Ова е листопадно дрво високо до 15 м. Листовите се широки до 4 см, обично со по 5 залистоци, но понекогаш со само 3; одозгора се темнозелени, а одоздола се посветли поради восочниот слој. Цветовите се отвораат рано напролет и имаат зеленикаво-жолта боја, распоредени во штитчиња со кратки дршки. Плодовите се голи крилести оревчиња долги до 3 см. Кората е сивкаво-кафеава со неправилни бразди кога дрвото е старо.
Употреба Највеќето подвидови на балканскиот јавор се одгледуваат во расадници.
Подвидови Балканскиот јавор ги има следниве подвидови: Acer hyrcanum subsp. hyrcanum — Ерменија; Азербејџан, Турција, Иран Acer hyrcanum subsp. intermedium (Pančić) Palam. — Албанија; Бугарија; Грција, поранешна Југославија (вкл. Македонија); Acer hyrcanum subsp. keckianum (Asch. & Sint. ex Pax) Yalt. — Турција Acer hyrcanum subsp. reginae-amaliae (Orph. ex Boiss.) E.Murray — Грција Acer hyrcanum subsp. sphaerocaryum Yalt. — Турција Acer hyrcanum subsp. stevenii (Pojark.) E.Murray — Крим Acer hyrcanum subsp. tauricolum (Boiss. & Balansa) Yalt. — Либан; Сирија; Турција
Застапеност во Македонија Во Македонија подвидот Acer hyrcanum subsp. intermedium е забележан на следниве места во своите разновидни облици:
var. intermedium A. hyrcanum var. intermedium е познат за Јакупица; Салакова Планина; Шар Планина — Љуботенска Река, над с. Вратница; Маврово — клисура на Мавровска Река; Прилепско — Дервен, Сивец, Плетвар, Козјак; Ниџе; Кожуф — Висока Чука, с. ’Ржаново; Дудица; Осогово — над рудникот „Саса“, манастир „Св. Јоаким Осоговски"; Плачковица — с. Блатец, Блатечка Река; Беласица — с. Банско.
A. hyrcanum subsp. intermedium s.l. се посочува за Скопје (Halácsy, 1909); Скопска Црна Гора, Остри Врв и Китка, помеѓу Марков манастир и с. Црн Врв, Бабуна — ан Абди Паша, Прилеп — манастир „Трескавец“, Кавадаречко — с. Радобил кај с. Дреново, Кожуф — Чичи Каја; Прилеп — с. Беловодица (Stojanoff, 1928); клисура на р. Треска (Bornmüller, 1933); клисура на р. Радика — помеѓу с. Волковија и с. Сенце (Гребеншчиков, 1938); Врпско, Црна Река (Soška, 1938); Преспа — с. Стење (Черњавски, 1943); пл. Огражден, Струмичко — с. Вељуса (Рудски, 1943); Скопје — Водно (Дренковски, 1969); Скопје — пл. Жеден, пл. Осој (Дренковски, 1969).
var. paradoxum A. hyrcanum var. paradoxum е познат за Шар Планина — Љуботен, во околината на планинарскиот дом „Љуботен“ и над с. Вратница.
Се посочува за Скопска Црна Гора — над манастирот „Св. Илија“ и над Марков манастир (Bornmüller, 1925)
Други таксони Покрај овие таксони, Bornmüller (1925) опишува една нова форма f. orthopterum за Скопска Црна Гора, над манастирот „Св. Илија“. Черњавски (1943) за пл. Галичица и клисурата на Црн Дрим кај с. Луково го посочува A. hyrcanum var. tomentellum Simk.
Наводи
Надворешни врски
Балкански јавор (Acer hyrcanum) на страницата на Хенриете Крес
Категорија:Јавор Категорија:Флора на Македонија Категорија:Растенија опишани во 1838 година