Сатоми Ишихара (; р. Токио, 24 декември 1986 г.), исто така позната под нејзиното вистинско име Кунико Ишигами (јап. 石神 国子) — јапонска глумица, манекенка и телевизиска водителка, најпозната по улогите во филмовите Напад на титаните и Sadako 3D.
Животопис Сатоми Ишихара уште од детството сонувала да стане учителка, а подоцна и радиоводителка. Нејзиното вистинско име е Кунико Ишигами. Во 2002 г. учествувала на конкурсот за таленти „Pure Girl“ („Чиста девојка“), каде победила во конкуренција од над 30.000 кандидати. Овој успех го означил почетокот на нејзината кариера во шоу-бизнисот.
Кариера Во 2003 г., Сатоми Ишихара ја добила својата прва споредна улога во јапонската ТВ-серија „Kimi wa Pet“. Веднаш потоа ја одиграла главната улога во серијата „Teru teru kazoku“, за која ја добила својата прва награда на фестивалот „41st Golden Arrow“. Истата година глумела во филмот „Watashi no guranpa“, за кој била наградена на „16th Nikkan Sports Movie Grand-Prix“. Во 2006 г. ја играла главната улога во серијата „Медицинската сестра по име Аои“ (Nurse Aoi), која добила одлични одзиви. Серијата станала многу популарна, а Ишихара добила голем број писма од обожавателки, кои, вдахнати од нејзината улога, решиле да се запишат на медицина и да станат медицински сестри.
Во 2012 г., Ишихара глумела во серијата „Богат маж, сиромашна жена“ заедно со глумецот Шун Огури. Во 2014 г. ја одиграла главната улога заедно со Тацуја Фуџивара во јапонскиот филм „Чудовишта“. Еден од нејзините позначајни проекти е екранизацијата на популарната манга- и аниме-серија „Напад на титаните“, во која главните улоги ги толкуваат и Харума Миура, Кико Мизухара и Каната Хонго.
Филмографија
Година Македонски наслов Изворен наслов Улога 2003 — Kimi wa petto Руми 2003 — 2004 — Teru teru kazoku Фујуко 2004 — Waterboys 2 Шиори Јазава 2005 — Yoshitsune Шизука-Гозен 2005 — H2: Kimi to itahibi Кога Харука 2007 — Hanayome to papa Узаки Аико 2007 — Hōtai Club Емико Киба 2007 — Cinnamon the Movie — 2008 — Rokumeikan Акико Даитокуџи 2008 — Pazuru Ајукава Мисако 2008 — Ginmakuban Sushi Ōji: New York e Iku Бурусу Лили 2009 — Voice: Inochi naki mono no koe Канако Кубоаки 2009 — Kochira Katsushika-ku Kameari Kōen-mae Hashutsujo Моеко 2009 — Hidarime tantei EYE Хитоми Сајама 2009–2011 — Saka no ue no kumo Шоко Акијама 2010 — Hidarime Tantei EYE Хитоми Сајама 2010 — Ningen shikkaku Јошихико 2010 — Zatôichi: The Last Тане 2011 — Buru dokutâ Тика Мацуда 2012 — Rich Man, Poor Woman Макото Нацуи 2012 — Sadako 3D Акане Ајукава 2013 — Ricchiman, puaûman in Nyûyôku Макото Нацуи 2013 — Sadako 3D 2 Акане Ајукава 2013 Љубов Koi Фумико Јано 2014 — Shitsuren Chocolatier Саеко Такахаши 2014 Чудовишта Monsterz Канае Кумои 2014 Драга сестро Dear Sister Мисаки Фукаџава 2015 Напад на титаните Attack on Titan Ханс 2015 Од пет до девет 5-ji Kara 9-ji Made Џунко Сакураба 2016 Враќањето на Годзила Shin Godzilla Кајоко Ен Патерсон
Наводи
Надворешни врски
Официјален профил JDorama profile Dorama.info profile mydramalist.info profile
Категорија:Јапонски глумци Категорија:Родени во 1986 година Категорија:Живи луѓе