Лаура Вите ( - ) — Американка која станала активистка за правата на жените и суфражетка во Германија во почетокот на 20 век.
Формативни години Родена на 16 април 1869 година, во Бруклин, Њујорк, Лаура Елизабет Теодор Рот била најстарата ќерка на Јоханес Рот (1837–1894), трговец на памук, и неговата сопруга, Џејн (Бин) Рот (1841–1901). Таа била сестра на скулпторот Фредерик Рот (1872–1944) и тетка на политичарката Анемари фон Харлем (1894–1983).
Во потрага по подобро образование, Лаура отпатувала во Германија, во заедницата Бремен, каде што нејзиното семејство имало дом, и во Росток, таму исто така живеел нејзиниот чичко Фридрих Рот. Додека таа била во Германија, се запознала со Фридрих Карл Вите (1864–1938), германски хемичар, со кого се омажила на 7 јуни 1892 година, и заедно имале пет деца: Јохана (родена ), Фридрих (роден ), Зигфрид (1897–1961), Елизабет (родена ) и Карл Август (роден ).
По 1908 година, Вите се залагала да волонтира во центрите за образование за рано детство, а исто така започнала активно да држи предавања за потребата од создавање еднакви права за жените, она тоа го правела додека водела кампања во име на Здружението на покраинската држава Мекленбург за право на глас на жените.
Во 1915 година, таа станала член на повеќе одбори на директори, вклучувајќи го и Здружението за социјална помош.
Откако станала членка на Германската демократска партија, Вите била назначена за претседателка на женската група на партијата во 1919 година. Истата година, таа се обратила на огранокот на Германската демократска партија со седиште во Бад Доберан. Зборувајќи за „Жената во новата Германија“, таа размислувала за статусот на жените на кои им било доделено право на глас во 1918 година и таа се залагала за еднаква плата за жените.
Смрт Лаура Вите починала во Росток, Германија, на 15 ноември 1939 година
Наводи
Надворешни врски
Писма до и од Лаура Вите, во „Вите семејна кореспонденција“, во градските архиви на Росток. Архивски портал: Мекленбург-Западна Померанија, преземено онлајн на 10 мај 2021 година.
Категорија:Починати во 1939 година Категорија:Родени во 1869 година Категорија:Статии со hCards Категорија:Историја на човековите права