thumb|200px| Ископување дијаманти во Сиера Леоне. Крвави дијаманти (), исто така познати и како судирни дијаманти (англ. Conflict diamonds) — дијаманти ископувани на територии зафатени со воени дејствија, чии пари од продажбата одат за финансирање на бунтовничко движење, окупациска армија или активности на господари на војната. Изразот „крвав дијамант“ обично се применува во однос на Африка, на која отпаѓаат две третини од светското ископување на дијаманти.
Борба против крвавите дијаманти Во извештајот A Rough Trade од 1998 г., организацијата Global Witness прва ги поврзала судирите во Африка со дијамантите. ООН исто така ја признала улогата на судирните дијаманти во финансирањето на воените дејствија и во 1998 г. ја усвоила Резолуцијата 1173 на Советот за безбедност. Во 2000 г., Фаулер во својот извештај подробно опишал како УНИТА ги финансирала воените дејствија, што непосредно довело до усвојување на Резолуцијата 1295 на ООН пролетта истата година и до средбата на раководителите на јужноафриканските земји извозници на дијаманти во Кимберли, ЈАР, со цел да се изработи методика што би ја запрела трговијата со судирни дијаманти и би создала механизам за претставување докази пред купувачите дека дијамантите не се поврзани со воени дејствија.
Во Резолуцијата 1295 се наведува: 18. Го поздравува предлогот за одржување состанок на стручњаци со цел да се определи систем за контрола за поттикнување на спроведувањето на мерките содржани во резолуцијата 1173 (1998), вклучително и механизми што би овозможиле зголемување на нивото на транспарентност и одговорност во вршењето контрола врз дијамантите, почнувајќи од нивното потекло па сѐ до нивното пристигнување на берзите, ја нагласува важноста при изработката на таквите мерки за контрола да се направи сѐ што е можно за да се спречи нанесувањето споредна штета врз законитата трговија со дијаманти, и ја поздравува намерата на Јужноафриканската Република да биде домаќин на соодветниот состанок оваа година;''
Кимберлиски процес за сертификација На 19 јули 2000 г., на Светскиот конгрес за дијаманти во Антверпен, била усвоена резолуција насочена кон сузбивање на продажбата на судирни дијаманти.Fact#6 World Diamond Council website — Diamond Facts.org, accessed December 8, 2006Diamond leaders in pact to ban 'conflict gems' funding African wars CNN.com, July 19, 2000, accessed online December 9, 2006 Според резолуцијата, се барало воведување на меѓународен систем за сертификација на извезените и увезените дијаманти, додека продажбата на дијаманти што не ја минале постапката за сертификација требало да биде законски забранета во сите земји. Сите земји морале да воведат кривична одговорност за шверц со судирни дијаманти, а лицата фатени во трговија со нив во иднина не смееле да бидат пуштени на тргување на дијамантските берзи на Светската организација на дијамантски берзи. Освен тоа, во некои трговски центри (на пример, во Дубаи), за извоз на дијамант од земјата сопственикот морало на аеродромот да приложи сертификат од Кимберлискиот процес.[Diamonds, Development, and Democracy by Nicky Oppenheimer] Кимберлискиот процес го спроведувале самите африкански земји што ископуваат дијаманти.
Наводи
Надворешни врски The Truth About Blood Diamonds – The international focus on "conflict minerals" is a self-serving charade.; The Wall Street Journal Diamonds in Conflict – Global Policy Forum PAWSS Conflict Topics – Conflict Diamonds DiamondFacts.org AllAsOne.org Stop Blood Diamonds Stopping Blood Diamonds Africa's War with Blood Diamonds Canadian Mined Diamonds Diamond Dealers in Deep Trouble as Bank Documents Shine Light on Secret Ways Blood Diamonds Editora Oferece "Diamantes de Sangue" em Formato Digital a Todos
Категорија:Шверц Категорија:Политика на Сиера Леоне