Бело Езеро — ледничко езеро во Македонија, едно од 27. езера на Шар Планина.Rista Nikolić: "Glacijacija Šar Planine i Koraba“, Beograd, 1912 godina.
Езерото се наоѓа во сливното подрачје на Боговињска Река на надморска височина од 2.275 метри. Истото се протега во насока север-југ.
Одлики
Се наоѓа во Брустовичкиот масив заедно со Црното и Боговињското Езеро.Кузман Најденоски: „Тетово во минатото“, издание од 1964 година. Печатница „Напредок“ Тетово
Ова е едно од најубавите шарски езера, кое има постојан водостој, без разлика на атмосферските талози. Хранењето на езерото се врши со изворите кои се наоѓаат во неговата непосредна близина и со топењето на ледниците, додека пак се празни преку истека, која се влива во Боговињска Река. Негова карактеристичност е големата проѕирност на водата.
Вкупниот обем му изнесува 540 метри и има елипсовидна форма. Има површина од 18.000 м².Живко Стефановски, Напредок Тетово, Шар Планина, стр 53-54 Се наоѓа на карпест басен, кој е опколен со прекрасни пасишта. Во езерото се влеваат неколку потоци и на самиот брег има многу извори, некои постојани, некои повремени. Еден поток се одлева и се влева во Боговињска Река. Езерото е постојано, не пресушува. Водата е кристално чиста.Душан Кривокапиќ: „Шар-Планина“, издание на „Туристичка Штампа“, Белград, 1969 година
Мерења во 2020 г.
Пред прогласувањето на новиот национален парк „Шар Планина“, во извршената студија за валоризација на паркот се дадени мерењата дека езерото има површина од 1.482 м2, длабоко е 1 метар, долго е 203,4 метри, широко е 100 метри, а средната широчина му изнесува 72,9 метри. Должината на бреговата линија е 520,7 метри, а коефициентот на развиеност 1,21.
Поврзано Црно Езеро Боговињско Езеро Бориславец (Брустовец)
Наводи
Категорија:Леднички езера во Македонија Категорија:Шарпланински езера