Островот Хуахине или "Автентичен" е остров во Француска Полинезија, дел од Заветрените острови кои пак се дел Друштвените острови во Тихиот Океан. Тој се наоѓа 34 км на исток-североисток од Раиатеја, на 43 км исток-југоисток од Тахаа и на 167 км западно-северозападно од Тахити, од 151° западна должина и 16°30 јужна географска ширина. Тој е исто така во близина на Бора-Бора.
Топонимија Хуахине исто така е познат и како "Остров на жената", бидејќи отсекогаш со него владееле кралици. Островот порано бил наречен Темататоерау а потоа Матаиреа.
Географија мини|250x250пкс|Ванила|алт= мини|250x250пкс|Одгледување на лубеницата |алт= На островот има околу жители на површина од 74 км2.
Составен е од два планински венци, Хуахине Нуи ("Голем Хуахине") и Хуахине Ити ("Мал Хуахине"), одделени со заливите Марое и Боурајне. Хуахине Ити има само еден вулкан, чиј врв Похуе Рахи, достигнува 460 метри. Повисокиот, Хуахине Нуи се издига на 669 метри на планината Тури.
Коралниот гребен е видлив на северниот и источниот брег што го прави издигнат атол.
Се одгледува ванила, како и дињи и лубениците на островчињата. Се експлоатира и риболов.
На Хуахине Нуи се наоѓа Фаре, главниот град на островот воедно и на комуната Хуахине. На островот има аеродром.
Современа историја До крајот на 19 век, Хуахине било независно кралство, исто така, се нарекувало Кралство на Хуахине и Мајао. Според традицијата, имало три главни династии:
Династијата Хауморере била основана во 17 век ; последниот претставник била кралицата Техапапа I која капетанот Кук ја сретнал во 1769. Таа одржувала кохезија и независност на нејзиното кралство. Династијата Таматоа произлегла од Техапапа I и нејзиниот сопруг Мато а Таматоа, член на семејството Таматоа од Раиатеја. Тие биле основачи на гранката Таматоа од Хуахине. Оваа династија е владеела до 1854. Династијата Теурура е резултат на Аримате Теурураи, поглавар на Хуахине и неговата сопруга Теријтепороуараи Таматоа, членка на семејството Таматоа од Раиатеја, правнука на кралицата ТехапапаI од Хуахине. Оваа династија е владеела од 1854 до 1895 г.
Додека Приветрените Острови, станале француска колонија во 1880, Заветрените Острови останале независни до 1890-тите години. Кралството Хуахине и Мајао било припоено во 1895 г и станало дел на Францускиот естаблишмент во Океанија во 1897 година. Неговата историја оттогаш е испреплетена со онаа на Тахити. Администрација Административно Хуахине е комуна (општина) дел од административната субдивизија на Заветрените Острови. Тој ги содржи следниве општини:
Фаје Фаре Фитии Хаапу Маева Марое Пареа Тефарерии
Административен центар на општината е населбата Фаре, на Хуанине Нуи. Личности
Теуруа Техапапа II Техапапа III Регент Марама Таматоа VI
Наводи
Литература
Yosihiko H.Sinoto, "Excavations on Huahine, French Polynesia" in Pacific Studies Journal vol 3, , 1979 [Serveur : Scholarly Publication Center (Brigham Young University)] Anonyme, Histoire et traditions de Huahine et Pora Pora : Puta Tumu, in Cahiers du patrimoine : savoirs et traditions, volume 1, Ministère de la culture de Polynésie française, Papeete, 2000.- Édition critique de Bruno Saura.- Texte bilingue, traduction en français de Patrick Matari'i Daubard et Hiriata Millaud.– 89 p., .
Поврзано
Список на владетели на Хуахине
Надворешни врски Мрежно место за туризам Туризам во Хаухине Двојазичен француско-англиски водич - 2016-2017 Интерактивна карта на туристички локалитети на Хуахине Официјално мрежно место на комуната Хуахине Хуахине Туризам : портал за туризам во Хуахине
Категорија:Атоли Категорија:Друштвени Острови Категорија:Острови во Тихиот Океан Категорија:Заветрени Острови Категорија:Француска Полинезија