Спектар-РГ () или Спектар-Рендген-Гама () — руско-германска вселенска опсерваторија за високоенергетска астрофизика пуштена на 13 јули 2019 г. надоврзувајќи се на сателитскиот радиотелескоп „Спектар-Р“ пуштен во 2011 г.
Историја
Идејата за сателитска рендгенска опсерваторија над Земјината атмосфера (која ги филтрира ваквите зраци) се појавила во 1980-тите, по предлог на астрофизичарот Рашид Сјуњаев од Институтот за вселенски истражувања на РАН (ИКИ) во Москва. Решено е да се проектира голема опсерваторија со пет телескопи, на која работеле дваесет установи од дванаесет земји. Со распадот на Советскиот Сојуз, проектот е запрен поради недостиг на средства и бил во мирување сè до 2003 г. кога е обновен, но во намалени размери.
Преглед Главен инструмент на мисијата е рендгенскиот телескоп eROSITA, изработен од Институтот за вонземска физика „Макс Планк“ (MPE) во Германија. Наменет е да врши рендгенски осмотрувања во текот на седум години — прв ваков апарат наменет за средниот рендгенски појас (под 10 keV, како и прв способен да ја утврди распореденоста на 100.000 галактички јата. Истиот има можност да открива нови галактички јата и активни галактички јадра. Вториот инструмент, наречен Астрономски рендгенски телескоп (ART-XC) е руски високоенергетски рендгенски телескоп предвиден да пронаоѓа супермасивни црни дупки.
Летало
Замислата за мисијата „Спектар-РГ“ е објавена во 2005 г. Изградбата завршила во 2016, а во средината на 2018 г. е извршено ускладување на составниците и испробување на апаратот. Пуштањето било предвидено за јуни 2019 г. но одложен за 12 јули, а потоа, во последен миг, презакажан за 13 јули 2019 г., кога е пуштен од космодромот „Бајконур“ (плоштатка 81/24). Опсерваторијата е поставена на сателитската подлога „Навигатор“, изработена од НПО „Лавочкин“.
Профил на мисијата и орбита Леталото влегува орбита околу Сонцето, кружејќи околу системот Сонце-Земја со Лагранжова точка L2 во орбитата „хало“, на околу 1,5 милиони километри од Земјата. Патувањето дотаму трае околу три месеци, а во меѓувреме се вршат проверки и баждарење на телескопите. Следните четири години се вршат осум осмотрувања на целото небо. Целта на опсерваторијата во наредните три години е да се набљудуваат извесни галактички јата и активни јадра.
Инструменти
+Инструменти во опсерваторијата „Спектар-РГ“ eROSITA ART-XCART-XC / SRG overview. M. Pavlinsky; V. Levin; V. Akimov; A. Krivchenko; A. Rotin; M. Kuznetsova; I. Lapshov; A. Tkachenko; R. Krivonos; N. Semena; M. Buntov; A. Glushenko; V. Arefiev; A. Yaskovich; S. Grebenev; S. Sazonov; A. Lutovinov; S. Molkov; D. Serbinov; M. Kudelin; T. Drozdova; S. Voronkov; R. Sunyaev; E. Churazov; M. Gilfanov; B. Ramsey; S. L. O'Dell; J. Kolodziejczak; V. Zavlin; D. Swartz. Proceedings Volume 10699, Space Telescopes and Instrumentation 2018: Ultraviolet to Gamma Ray; 106991Y 6 јули 2018. Организација MPE ИКИ / ВНИИЕФ Вид телескоп Волтеров Волтеров Бранова должина рендгенска рендгенска Маса 810 кг 350 кг Чувствителност 0,3–10 keV 4–30 keV Видно поле 1 степен 30 лачни минути Аголна разделност 15 лачни секунди 45 лачни секунди Сетилна површина 2.400 см2 при 1 keV 450 см2 при 8 keV
Поврзано ROSAT Рендгенски телескоп
Наводи
Надворешни врски
Портал на проектот во Русија Портал на телескопот eROSITA Руска всеенска опсерваторија „Спектар-РГ“ — Роскосмос Пуштањето на опсерваторијата — пренос во живо на Роскосмос ТВ
Категорија:Гама-телескопи Категорија:Рендгенски телескопи Категорија:Руски сателити Категорија:Вселенски телескопи Категорија:Вселенски летала пуштени во 2019 година Категорија:Русија во 2019 година