Глоговец или глогова пеперутка (Aporia crataegi) — голема пеперутка од семејството на пеперутки Белци. Оваа пеперутка е доста честа и широко распространета. Таа живее од Северозападна Африка, преку Кавказот и Сибир па сè до Јапонија. Пеперутката живее и во Македонија.
Подвидови Подвидовите на глоговецот се: Aporia crataegi adherbal (Фрушторфер, 1910) Јапонија Aporia crataegi augusta (Турати, 1905) Сицилија Aporia crataegi augustior (Грејвс, 1925) Јордан, Израел Aporia crataegi banghaasi (Брик, 1921) Aporia crataegi basania (Фрушторфер, 1910) Алпи Aporia crataegi colona (Куликовски, 1909) Русија Aporia crataegi crataegi (Лине, 1758) Скандинавија Aporia crataegi fert (Турати и Фиори, 1930) Грција Aporia crataegi hyalina (Ребер, 1907) Турција Aporia crataegi iranica (Форстер, 1939) Ерменија, Иран и Азербејџа Aporia crataegi karavaievi (Круликовско, 1926) Русија, Украина, Балкан и Македонија Aporia crataegi mauretanica (Обертур, 1909) Северна Африка Aporia crataegi meinhardi (Круликовски, 1909) Сибир, Камчатка (Русија) Aporia crataegi pellucida (Рубер, 1907) Aporia crataegi rotunda (Ајчбергер, 1971) Италија Aporia crataegi rutae (Брик, 1940) Шпанија Aporia crataegi sachalinensis (Матсумура, 1925) Сахалин (Јапонија, Русија) Aporia crataegi shugnana (Шелјужко, 1925) Памир Aporia crataegi tianschanica (Рул, 1893) Aporia crataegi transitoria (Лемпке, 1974) Средна Европа
Живеалиште Пеперугата живее на отворени ливади, градини и пасиштаUK Butterflies низ скоро цела Европа, умерена Азија сè до Кореја и Јапонија.Information on Aporia crataegi Овој вид е исчезнат на Британските Острови.
Опис Распонот на крилјата на пеперугата изнесува од 51 до 71 мм. Женките се во принцип поголеми од мажјаците. Крилјата се бели со изразени црни линии налик на вени. Долната страна на мажјаците е слична како и горната, но кај женките таа е со кафеави линии. Поради триење, крилјата кај женките стануваат скоро проѕирни. Јајцата првично се жолти, а подоцна потемнуваат. Гасениците се зеленкасти, а куклата е кремасто бела со црни бележници.
Биологија Пеперугите летаат од април до јули. Возрасните се социјални. Јајцата се положуваат на плодови растенија но и на дрва и грмушки. Јајцата се положуваат во група од 30 до 100. Ларвите излегуваат за 3 седмици. Гасениците тежнеат да седат во групи. Овој вид има една генерација секоја година. Куклите траат околу 3 седмици.
Наводи
Надворешни врски Глогова пеперутка на НП Галичица. Пеперутки и молци на Европа и Северна Африка Pyrgus.de
Категорија:Белци (пеперутки) Категорија:Инсекти на Македонија Категорија:Животински таксони опишани од Карл Линеј