Балкански крт (науч.: Talpa stankovici) или Реликтна (македонска) кртица – ендемски вид крт, распространет во југоисточна Европа. Населува разнолики живеалишта, од песочни плажи до пасишта и ораници.

Македонската кртица e вид цицач кој припаѓа на фамилија (Talpidae). Тој е балкански ендемит, чиј ареал на распространување е главно ограничен на Западна Македонија, а делумно се протега и во Северозападна Грција, Североисточна Албанија и само маргинално во Црна Гора.

Опис Поседува силно развиени предни нозе со силни канџи со кои копа тунели под површината на земјата долги од 30 до 50 метри. Телото им е цилиндрично со должина до 20 cm со црно прекриено крзно, очите се мали и закржлавени, а ушите не се видливи. Се исхрануваат со ситни безрбетници кои живеат под земјата. Кртицата има важна улога во педогенетските процеси на почвата разнесувајќи го хумусниот слој.

Ареал и загрозеност

Балканскиот крт е присутен во Црна Гора, Македонија и Грција (и на континенталниот и на островскиот дел)Tryfonopoulos, G.A., Thanou, E.G., Fraguedakis-Tsolis, S.E., Chondropoulos, B.P. 2010. New data on the distribution and genetic structure of Greek moles of the genus Talpa (Mammalia, Talpidae). J Zool Syst Evol Res 48(2): 188–193.. Се претпоставува дека е присутен и на подрачјето на Албанија и Косово. Се смета дека популацијата на балканскиот крт е голема, а со тоа овој вид не е загрозенVohralík, V., Kryštufek, B. 2008. Talpa stankovici. In: IUCN 2010. IUCN Red List of Threatened Species. Version 2010.4.}-.

Во Национален парк Галичица распространет е во природните и полу – природните тревести екосистеми како и на обработливите земјоделски површини, а животниот век им трае од 3 до 6 години.

Не е заштитен со закон.

Филогенија

Балканскиот крт се смета за многу близок со романскиот крт на основа на морфолошките податоци. Поновите молекуларно-генетски истражувања укажуваат на тоа дека е посродна со левантскиот крт.Colangelo, P., Bannikova, A.A., Kryštufek, B., Lebedev, V.S., Annesi, F., Capanna, E., Loy, A. 2010. Molecular systematics and evolutionary biogeography of the genus Talpa (Soricomorpha: Talpidae). Molecular Phylogenetics and Evolution 55: 372–380.

Наводи

Надворешни врски Insectivore Specialist Group 1996. Talpa stankovici. 2006 IUCN Red List of Threatened Species. Downloaded on 30 July 2007.

Категорија:Фауна на Галичица Категорија:Фауна на Европа