„Излегол невен Пејо“ — македонска народна песна. Песната е посветена на овчарот Пејо кој имал трло со овци на Шар Планина, кого некои арамии му го ограбиле трлото и притоа го врзале. Песната има општествен карактер.
Текст -Излегол невен Пејо по Шар Планина, да ми стадо паслo Пејо, на кавал ми свири. Везден ми го паслo Пејо, ем до полноќум.
Еј, од полноќум, џанам, стадо ми дотерал, ми го затворил џанам во ново трло. Пејо ми улегол, џанам, в' нова колиба.
Еј, Пејо седнало, џанам, малку да вечера, ми вечерало, џанам, кучиња му лајат. Пејо истрчало, џанам, потера дало.
Еј, проклети биле, џанам, клети арамии, што ми посилеле они по Шар Планина, што му утепале они верни кучиња и му сардисале они трло ем колиба.
Му сардисале они трло ем колиба, ми го фанале они млад невен Пејо, и му врзале они раце наопако, му потерале они белото му стадо, стадо не ми оди џанам без невен Пејо.
Надворешни врски Излегол невен Пејо (текст и музика) на pesna.org преку web.archive.org
Категорија:Македонски народни песни Категорија:Песни кои ја споменуваат Шар Планина