Војо или Војово — археолошко наоѓалиште во охридското село Годивје, Општина Дебрца. Претставува населба од средниот век.
Се наоѓа на околу 5 км западно од селото, на местото каде што Годивска Река свртува кон југозапад. Месноста го носи називот Долно Војо и е обрасната со густа шума. По површината од двете страни на патот што води кон Горно Војо се забележуваат урнатини од градби, како и фрагменти од керамички садови.
Според преданието, жителите од оваа населба, како и тие од селото Гроов, кон средината на XVIII век одново го населиле селото Годивје кога било преосновано по неговото пропаѓање.
Поврзано Горица — цркви од средниот век Кула — опидум и тврдина од хеленистичко време, доцноантичко време и средниот век Св. Спас - Црквиште — сакрален објект од средниот век Трумени Гумења — црква од средниот век Черенец — населба од неолитот
Наводи