Свети Никола или Свети Талалеј – главна селска црква во селото Брод.
Местоположба Црквата се наоѓа во северозападниот дел од селото, на возвишение коешто ѝ дава доминантна положба во однос на остатокот од селото.
Историја Црквата е изградена во 1840 година, во Првата светска војна била разрушена, а во 1990 година била обновена.„Цркви“. Visit Pelagonia.
Архитектура Градбата на црквата е еднокорабна со правоаголна основа и апсида на источната страна. Влезот се наоѓа на јужната страна и пред него е доградена мала припрата. На јужната страна има три монофори. Камбанаријата на црквата е со квадратна основа и е прилепена до југозападниот агол на храмот. Црквата има димензии од 12 × 7 м и е висока 5-6 м. Во внатрешноста на храмот има икони од XIX век коишто се поставени на иконостасот. На северниот ѕид има еден ред столици за седење, а на јужниот ѕид два реда.
Во дворот на црквата се сместени селските гробишта и помошен објект. На гробиштата се наоѓа гробот на македонскиот револуционер Кољо Добровенски.
Галерија
Поврзано Брод Преспанско-пелагониска епархија Битолско архијерејско намесништво Краварско-бачка парохија
Наводи
Надворешни врски
Брод