thumb|Lë scu 'd famija Stozzi Lorenzo Strozzi (Firense, 11 d'agost dël 1482 - Firense, 1549) a l'é stàit un banché, literà e mecenà italian, member dla potent famija Strozzi.
Biografìa Lorenzo a l'era fieul ëd Filippo Strozzi (ël Vej) e dla nobildona Salvaggia Gianfigliazzi . A l'ha arseivù na formassion umanìstica sota la guida ëd Bartolomeo Della Fonte e a l'é stàit amis e protetor ëd Niccolò Machiavelli .
Dël 1503 a l'ha marià Lucrezia ëd Bernardo Rucellai, con la qual a l'ha avù quatr fieuj . A l'é stàit n'òm d'afé motobin rich e a l'ha gestì 'l banch ëd la famija. Dël 1514 a l'é stàit ufissial dël Mont e dël 1521 prior dla repùblica . Dòp la restaurazion dij Médici, a l'ha sostnù la Repùblica Fiorentin-a fin al 1527 . A l'é peui artirasse a vita privà ant la vila dël Santuccio, andoa a l'é mòrt dël 1549 .
Euvre literarie Lorenzo Strozzi a l'é conossù për soa produssion teatral e poética: Commedia in versi (1506), atribuìa për temp a Machiavelli La Pisana (o La Nutrice, 1518), comedia an endecasìlabi La Violante, comedia ambientà dël 1530 Pistola fatta per la peste, euvra epistolar Vite degli uomini illustri della casa Strozzi
A l'ha ëdcò organisà dë spetacol ëd carlevé, ancludend ël famos "car dla Mòrt" dël 1506 .
Relassion con Machiavelli Lorenzo Strozzi a l'é stàit ël prinsipal mecenà ëd Machiavelli dòp ël 1520. A l'ha contribuì a fé intré Machiavelli ant ë sìrcol dël cardinal Giulio dël Médici . Machiavelli a l'ha dedicà a Strozzi l'Arte dla guèra (1521) . Un manuscrit autògraf ëd Machiavelli dla Pistola fatta per la peste e dla Commedia a l'é conservà a la Biblioteca Nassional ëd Firense .
Strozzi, Lorenzo