Descrission A l'é na pianta erbosa ch'a viv sempe, auta da 15 a 25 cm. A l'ha dle feuje basaj a rosëtta con picol motobin longh, palmà e spartìe an segment a contorn triangolar; le feuje dë dzora a l'han ëdcò ël picol e a son autërnà, ma a son men spartìe. Le fior a l'han da sinch a dodes pétaj bianch, smarginà o anter a la ponta, soens venà ëd reusa o con na macia arancion a la partensa.
Ambient Pra ùmid e con pere, da 2.000 a 2.800 m.
Fioridura Da giugn a aost.
Particolarità Ël nòm dël géner an grech a veul d' "fior bela", an mente ël nòm ëd la fior a veul dì "feuja ëd coriàndol", da già che le feuje a së smijo.
Arferiment bibliogràfich për chi a veul fé dj'arserche pì ancreuse Callianthemum coriandrifolium Rchb.
Categorìa:Callianthemum Categorìa:Fior ëd montagna