miniatura|Quarté ëd Turin Un quarté a l'é na ripartission ëd na comun-a ch'a l'é diferenta për custion topogràfiche, geogràfiche, stòriche o étniche.
Stòria miniatura|Mapa ëd na tìpica castrum. 2: decuman, 3: card; coste doe strà a batìo ij prim quarté Costa ripartission a armonta ai Roman, quand lor sità e castrum a j'ero spartì da doe strà ciamà card e decuman, ch'a batìo un trabat ëd 4 zòne dantorn a le strà.
Meinagi dla sità An Italia, Fransa e la part pi granda dij Paìs europèo, ij quarté a l'han nen na fonsion ëd meinagi, ma an paìs coma Cin-a, Stat Unì d'América e Canadà a son dovrà ant le gròsse sità për ël meinagi e a peulo batì lej local.
Tipologìe 'd quarté Ij quarté a peulo esse separà da la rason për la qual a son dëssernù da l'avans dla sità:
Funsion: visadì qual a l'é l'atività caraterisant dël quarté: Residensial o quarté aut: un quarté andoa a vivo le përson-e pi riche. Popolar o quarté bass: un quarté andoa a vivo le përson-e men riche. Dormitòri: un quarté an periferìa, andoa a-i son pa tante boteghe o servissi, ma mach ca për ij travajòt dle industrie vzin-e. Comersial: un quarté andoa a-i son pi asiende comersial, soens a l'é piassà ant ël sènter. Industrial: un quarté, soens an periferìa, andoa a-i son pi industrie e asiende produtive, a l'é leugn da zòne motobin abità përché le industrie a batisso rabel e antossiament. Portual: un quarté dantorn al pòrt, ch'a anfluensa la vita e lë stil dël quarté. Geografìa: un quarté separà da l'avans dla sità da finagi naturaj, coma ij fium (Trastevere a Roma). Stòria: un quarté nàit o dësvlupà ant n'era diferenta da cola dl'avans dla sità (Quadrilàter Roman). Etnìa: un quarté ch'a logia na comunità diferenta da cola dl'avans dla sità o dlë Stat (Chinatown, Little Italy).
Quarté particolar e sìmil
Casba: sitadela fortificà ant la sità, tìpica dël Maghreb. Ghet: na zòna abità da n'etnìa diferenta da cola magioritaria dl'avans dla sità, an fasson volontari o pa. Isolà: un ansem ëd palass limità da strà. Rion: a vire a l'é un sinònim ëd quarté, ma a Roma a son le ripartission drinta ai Mur Aurelian, donch ij pi antich. Borgh: a peul esse n'abità rural ma 'dcò n'espansion dla sità fòra da la bastìa. Borgià: na zòna rural vzin-a a la sità con pòche ca e a tradission agrìcola. Quarté a lus rosse: zòne dla sità andoa la prostitussion a l'é normal e regolamentà. Sesté: ël corispondent dël quarté ma se a l'orìgin a j'ero 6 e pa 4 le ripartission dla sità, com a Venessia. Tersé: ël corispondent dël quarté ma se a l'orìgin a j'ero 3 e pa 4 le ripartission dla sità, spantià an diferente sità dl'Umbria.https://www.treccani.it/vocabolario/ricerca/terziere/ Contrà: Sinònim ëd rion, dovrà an sità coma Sien-a.
Arferiment
Categorìa:Sità