Брежневова доктрина, Brezhnev Doctrine — назва, дана западныма политологами заграничной политицѣ СССР в добѣ Леонида Брежнева (1964–1982). Инше, предметне, формулованя: политика ограниченой суверениты. Еще инша назва, официално практикована в совѣтском выкладѣ была тота: интернационална помочь братской державѣ в охранѣ социализма,Украинский советский энциклопедический словарь в трех томах, том 3, с. 628. а воякы, котры тоту помочь несли, называли ся воякы-интернационалисты.
Зроджѣня доктрины Концепция ограниченой суверениты родила ся в часѣ Пражской яри, коли совѣтске веджѣня, котре ся безуспѣшно домогало од чехословацкых реформаторох перестати з реформами, гледало легитимне оправданя про военскый засяг. СССР перед тым уже придушовав военскым засягом мадярску револуцию в року 1956, и непокои в Польщи и ГДР, але там ишло о збройный одпор совѣтской инвазии, в припадѣ Чехословакии ишло о процес мирных реформ. Военны маневры при ей границях и на самой ей територии не дали жаданого ефекта застрашѣня, и нежаданы з погляду совѣтского веджѣня реформы ишли дале.
14.–15. юла 1968 во Варшавѣ одбыла ся встрѣча комунистичного веджѣня держав-сателитох СССР, котры были готовы засягнути военсков силов, чехословацка сторона там не пошла, а достала одты велми важны «варованя з очевидныма елементами грозьбы (Брежневова доктрина з правом засяговати до внуторных дѣл социалистичных держав)».Chronológia: Udalosti v bývalej ČSSR súvisiace s okupáciou v roku 1968. TASR, 21. augusta 2013 6:50
17.–19. юла в одповѣди на тот лист чехословацке комунистичне веджѣня «терезвым тоном вывернуло безосновны обвинѣня и неоправнену критику, одвергло идею о интернационалной помочи "пяткы" в охранѣ социализма в иншой державѣ», але уже о два тыжднѣ нато в Братиславѣ чехословацке веджѣня капитуловало.
Де факто зроджѣня доктрины ся стало 3. августа 1968 в Домѣ рекреации ROH в Кральовском удолю в Братиславѣ, як свѣдчить о том установлена там в року 1978 памятна табла.Rok 1978: Pamätná tabuľa k udalosti, ktorá sa nikdy nemala stať.
Доктрина в практицѣ Практично Братиславска декларация з 3. августа 1968 и далше ей уживотнѣня означали, же нияка социалистична держава не мать дозволено оспорити свою належность ку социалистичному табору и Варшавскому пакту, имплицитно ся розумѣло, же лѣдером того блока е СССР, а лем ему дозволено дефиновати, што е социализм, а што капитализм. Принцип интернационалной повинности захраны выдобыткох социализма быв трактованый так широко, же ся ним не лем ретроактивно осправедливила инвазия до Мадярщины в року 1956, але и военскый засяг в Афганистану, што не быв членом Варшавского пакта, в року 1979.
Брежневова доктрина была в принципѣ совѣтсков верзиов доктрины Монро. Америцкый засяг в року 1965 в Доминиканской републицѣ быв барз подобный до инвазии Варшавского пакта до Чехословакии в року 1968, кедь позираеме на доктрины, котрыма обѣ подѣи были осправедливлены. Glazer, Stephen G, (1971). The Brezhnev Doctrine. The International Lawyer. pp. 169–179.
Подля патриарха совѣтской дипломации А. Громыка, формално Брежневова доктрина была скасована в децембрѣ 1989 на встрѣчи М. Горбачова з Джорджом Бушом мл. на Малтѣ.Громыко А. А. В лабиринтах Кремля (воспоминания и размышления сына). – М.,1997. – С. 190–204.
См. тыж Доктрина Доктрина Монро Инвазия Варшавского пакта до Чехословакии Пражска ярь
Жерела и одказы Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. . Chronológia: Udalosti v bývalej ČSSR súvisiace s okupáciou v roku 1968. TASR, 21. augusta 2013 6:50
Референции
Катеґорія:Межинародна политика