Ирина Гарди КовачевичГарди — призвиско в дѣвоцтвѣНАР (*17. септембра 1944, Руски Керестур) — новинарька, писателька, литературна критичка и перекладателька.Руске Слово: Ирина Гарди КовачевичПетро Медвідь (22. 4. 2016)
Биография Закончила в Кулѣ середню економичну школу, але у тому фаху робила лем курто: любов ку литературѣ привела еѣ до новинарской роботы в новинку Руске Слово. Едночасно штудовала югославянску литературу на филозофской факултѣ в Новом Садѣ.Петро Медвідь (21. 3. 2023) Дипломовала в року 1974. Попри новинарствѣ зачала и свою литературну творчость. До литературы вступила як поетка, и так головно через поезию еѣ спознала ширша публика. Перву зберьку выдала в року 1969 под назвов На дланї заренко.
У новинцѣ Руске Слово робила не лем за новинарьку, але и ушорьовала литературный додаток “Литературне слово”, была тыж главна и одвѣчателна редакторка молодежного часопису MAK. На главну и одвѣчателну редакторку новинох Руске слово была менована в року 1983. У маю 1987 перешла робити до каждоденной новинкы Дневник, де была редакторков рубрикы о културѣ, а по пензионованю вольнов репортерков. Еден мандат была членков Главного комитету Союзу новинарьох Югославии, а два мандаты предсѣдательков Общества новинарьох Войводины (1985-1987). До пензии одышла в року 1999. Жие у Новом Садѣ.
Творба Авторка книжок На дланї заренко, Нови Сад (1969); Тисяч радосци, Нови Сад (1976); Безмена ява, Нови Сад (1980); Бависка, Нови Сад (1984); Куцик мудросци, Нови Сад (1987); Єднозложносц, Нови Сад (2004); Дванац сказки, Нови Сад (2007); Сказки, Нови Сад (2009) (по сербски), Нєбо над Керестуром, Нови Сад (2012); Галов, Нови Сад (2015). Поезия еѣ перекладана по сербскы, словацкы, македонскы, румынскы, италианскы, мадярскы и албанскы. Награды Межи найзначнѣйшыма наградами, котры достала, суть “Искри култури” од Културно-просвѣтной сполочности Войводины, “Златне пирко” од Общества новинарьох Войводины, Межинародна награда за руску литературу “Александер Духнович”.
В року 2023 достала награду Общества писательох Войводины за цѣложивотну творбу.
Жерела и одказы НАР: Ирина ГАРДИ-КОВАЧЕВИЧ Петро Медвідь (22. 4. 2016). Іріна Гарді-Кoвачевіч оцінена літературнов премійов Петро Медвідь (21. 3. 2023). Нагорода за ціложывотне діло про Іріну Гарді-Ковачевіч Руске Слово: Ирина Гарди Ковачевич
Референции
Катеґорія:Русиньскы новинаре Катеґорія:Русиньскы писателї