Камянске, Кам'янське — село в бывшом Иршавском районѣ (од року 2020 в Береговском) Закарпатской области Украины, центер сельской рады, котрой подряджены тыж Богаревиця, Воловиця и Хмѣльник.Тронько П., с. 337.
Сельска рада 90125, Закарпатська обл., Хустський р-н,с. Кам'янське, вул. Українська, 1, тел. 47–2-82
Од року 2020 створена Камянска громада з восьмох сел.
История Перва упоминка о селѣ походить з року 1412.Sebestyén Zsolt, сс. 86–87.
В року 1910 в селѣ зоз 1175 обывательох 1110 записали ся Русинами, 64 Мадярами. Подля вѣры были 11 римокатолици, 769 грекокатолици, 394 израелиты.A történelmi Magyarország.
В року 1930 в селѣ зоз 1369 обывательох были 844 Русины, 470 Евреи, 30 Чехы и Словаци, 3 Мадяре, 1 Нѣмець, 21 чужоземець. Религийна громада 844 грекокатоликох мала камяну церкву Покровы Пр. Богородицѣ з року 1902. В селѣ мали школы: чешску (4 класы), русинску (3 класы), грекокатолицку русинску (1 класа); нотарскый, поштовый и жандарскый уряд, ходив державный автобус. Были познаты яко майстры плетѣня кошаркох, а провадили и непрерывно фунгуючы курзы наукы того майстерства.Достал, Я., с. 77.
Вызнамны родаци Андрей Бродий (1895–1946), первый премьер-министер автономной влады Подкарпатской Руси
Интересны факты В року 1946 украинска комунистична влада змѣнила историчну (од року 1412) назву села Кивяжд на Кам'янське, парадоксално назвавши то «збереження історичних найменувань».
Жерела и одказы A történelmi Magyarország atlasza és adattára 1914 Доступно онлайн Sebestyén Zsolt: Bereg megye helységneveinek etimológiai szótára. — Nyíregyháza: Bessenyei Könyvkiadó, 2010 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Украины