Касым-Жомарт Токаев Қасым-Жомарт Кемелұлы Тоқаев ; *17. май 1953, Алматы, Казахстан, СССР) — казахстанскый державный и политичный дѣятель, 2. президент Казахстана од 20. марца 2019. Токаев, успѣшный дипломат пенсийного вѣку, вольно говорить русскым, английскым и китайскым языками. В свойом первом проявѣ яко президент Токаев проголосив, же продовжить политику свого предходника и буде операти ся на думку Назарбаева в ключовых вопросах политикы.
Биография Токаев учив ся в Московском державном инштитутѣ межинародных односин, а пак проходив стажованя в дипломатичных установах Китая. Свою карьеру зачав в совѣтском Министерствѣ загранича, а по зысканю независимости в року 1991 году перейшов на дипломатичну службу Казахстана. Токаев двараз занимав пост министра загранича (1994–1999 и 2002–2007), а тыж державного секретаря (2002–2003), загравши ключовую роль в формованю вонкашной политикы Казахстана и його политикы ядерного розоруженя.
В марцу 2019 Токаев став ся сповняючым повинностѣ президента по нечеканой демиссии Нурсултана Назарбаева.
В юну того ж року выграв дочасны президентск выборы яко кандидат от владной партии «Нур Отан». Зачаточно подтримавши Назарбаева, Токаев поступно змоцнив свою владу, одсунувши ключовы фигуры, повязаны з бывшым президентом.
В року 2022 Токаев быв повторно выбраный на дочасных президентских выборах, доставши 81% подтримку уже в первом турѣ. Выступовав яко независимый кандидат при подтримцѣ Народной коалиции, лишивши партию «Аманат» (бывшу «Нур Отан») и обѣцяючи реформы. Його администрация зачала политичну рештруктуризацию, экономичну модернизацию и подтримовала многовекторну вонкашну политику, баланс односин з Россиев, Китаем и Западом.
Референции
Катеґорія:Президенты Казахстана